Ezipt Lɔ Tulɛ'n 10:13 - NYANMIƐN NDƐ'N 1998

¹³ Moiz mannin kpɔnman'n su, ɔ tinngɛli i Ezipt mɛn'n su, yɛ Anannganman yoli man aunngban kun fin wia afiliɛ lɔ wa fitali Ezipt mɛn'n nun. Ɔ fitali wia nun nin kɔnguɛ wunmuan'n nun. Nglɛmun kɛ aliɛ'n ´cɛn'n, aunngban'n ɔ'a fa lalo mun ɔ'a ba.

Ezipt Lɔ Tulɛ'n 10:13 ပူးပေါင်းရင်းမြစ်များ

Bo Bolɛ 41:6

Ɔ ´nian-an, ble ja kunngba ɔ'a wlɔ dandan nglanman-nglanman sɔ nso. Kpɛkuun ɔ wlɔli kainkain nso, wia afiliɛ lɔ aunngban klakla'n b'ɔ ´fita'n ɔ man ble mma kasiɛn sɔ'm be kpeseli.

Jue Mun 105:34

Kɛ ɔ ukeli i nuan sa'n, lalo mun nin aɛcɛ kpanngban kpa bɔ be si-man be nuan'n be deli lika'n.

Jue Mun 148:8

sin o, nzraama bɔ kɛ nzue tɔ-ɔ ɔ gua nin o, aunngban dan bɔ i yɛ ɔ sunman be nin o,

Jue Mun 78:26

I sin'n, Nyanmiɛn suli aunngban ng'ɔ fin wia afiliɛ'n i bo, ɔ man ɔ fitali nglo lɔ. I fanngan nun'n, ɔ suli mɛn'n i ja ngua lɔ aunngban'n i bo kɛ ɔ fita.

Jue Mun 78:46

Ɔ fali be fie'm bé su aliɛ'n mannin lalo mun. Ɔ fali be junman bɔ be dili i be fie'm bé su'n i nun ninnge mun mannin aɛcɛ mun.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Nyanndra Mun 30:27

Lalo'm be lɛ-man famiɛn, sanngɛ kpɛkuun be ´fite kɔ lika-a, be sin akpasua-akpasua.

Zonas 1:4

Anannganman man aunngban dan kun fitali jenvie'n su, kɛ e ´ijɔ wa-a jenvie'n yɛ ɔ su bo yɛ. Nzue'n su wa bubu mmeli'n nun.

Zonas 4:8

Wia'n fili, Anannganman man aunngban wie fitali. Aunngban sɔ'n fin wia afiliɛ lɔ, i sɔ'n ti ɔ lo kɛ sin sa. Wia sɔ'n boli Zonas kekle kpa. Ɔ ka kaan nan i nyrun ɔ'a ´blu. Yɛ Zonas waan: «Kɛ n ko tran nguan nun'n, ɔ flunman kɛ n `wu!»

Matthieu 8:27

Bé nuan boli bé wun, nan b'a usa be wiengu kɛ: «?Nzu sran yɛlɛ nga bɔ aunngban'n nin nzue'n bɔbɔ be sro i sɔ-ɔ?»