Ezipt Lɔ Tulɛ'n 1:8 - NYANMIƐN NDƐ'N 1998

⁸ Yɛ famiɛn uflɛ kun bɔ i liɛ'n ɔ'a si-man Zozɛf mlɔnmlɔn'n, ɔ wa jasoli su nan ɔ'a sie Ezipt mɛn'n.

Ezipt Lɔ Tulɛ'n 1:8 ပူးပေါင်းရင်းမြစ်များ

Jue Mun 105:25

Ɔ kacili Eziptfuɛ'm be anwlɛn'n, Nyanmiɛn yoli man b'a klo-mɛn i bɔbɔ i sran'n bé sa kun. Be kpɛli be gblɛ, be yoli be tɛtɛ.

Ezipt Lɔ Tulɛ'n 3:16

Siɛn'n, kɔ ko yia Izraɛl kpɛnngbɛn mun nan se be kɛ: ‹Anannganman b'ɔ ti amun nannan'm be Nyanmiɛn'n, Abraam nin Izaak, nin Zakɔb be Nyanmiɛn'n yili i wun nglo kleli min. Ɔ seli min kɛ ɔ buli afɛ nga amun o nun'n i akunndan, yɛ ɔ wunnin sa nga be fa yo amun Ezipt mɛn'n nun'n.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 3:9

N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Akunndanfuɛ'n 9:15

Klɔ sɔ'n su yalɛfuɛ kun wo lɛ b'ɔ si ngwlɛlɛ kpa. I ngwlɛlɛ'n ti man klɔ'n sufuɛ'm be fiteli nun, sanngɛ sran fi wla ɔ'a kpɛn-mɛn i su.

Sa nga bé yôli'n 7:18

lele ɔ fa toli famiɛn uflɛ bɔ be sieli i Ezipt'n su bɔ ɔ'a si-man Zozɛf'n .

Sa nga bé yôli'n 7:19

Famiɛn sɔ'n lakali e nannan mun, ɔ yoli be tɛtɛ kpa, ɔ man be guali be bɔbɔ be mma'm be blo.

Mmla'n 26:6

Eziptfuɛ'm be kleli e yalɛ, be mianmiannin e. Be fali e yoli be kanga, be man e dili junman kekleekle mun.

Jɔlɛ Difuɛ Mun 2:10

Zozie i wiengu'm be wa wieli wu. Be sinfuɛ nga be wa jasoli su'n be si-man Anannganman. Be si-man sa ng'ɔ yoli mannin Izraɛl'n.