Ezipt Lɔ Tulɛ'n 1:7 - NYANMIƐN NDƐ'N 1998

⁷ Sanngɛ Izraɛlfuɛ'm be wuli ba mun kaka kpa nan b'a trɛ trɛlɛ kpa. I sɔ'n ti, be nyannin wunmiɛn kpa, be trannin Ezipt mɛn'n i lika'n kwlaa.

Ezipt Lɔ Tulɛ'n 1:7 ပူးပေါင်းရင်းမြစ်များ

Bo Bolɛ 1:20

Nyanmiɛn'n seli kɛ: «Man nnɛn nin jue kpanngban kpa be wlan sin nzue'n nun. Yɛ man anunman'm be tu nglo lɔ sin asiɛ'n su.»

Bo Bolɛ 1:28

Nyanmiɛn boli muae mannin be. Ɔ seli be kɛ: «An `trɛ, an `sɔn kpa, an `yi asiɛ'n, an `sie i. Jenvie'n nun jue mun nin anunman bɔ be tu sin nglo lɔ'n mun, ɔ nin nnɛn nga be wlan asiɛ'n su'n, amun `sie be kwlakwla.»

Bo Bolɛ 12:2

N ´yo man ɔ osu'n wa yo nvle dan kun, n ´yo wɔ ye, n ´yo man ɔ dunman'n ´fu. Ɔ dunman nun ti n ´yo sran'm be ye.

Bo Bolɛ 13:16

N ´yo man wɔ anunman'm be ´sɔn kaka kpa kɛ asiɛ wun ndutre sa. Be ka be-ɔ ɔ su yo-man ye.

Bo Bolɛ 15:5

Yɛ ɔ fɛ i fiteli nan ɔ'a se i kɛ: «Man ɔ nyin'n su nian nglo lɔ. Sɛ a kwla ka nzraama mun'n, ka be man n nian. Kɛ wɔ anunman'm be wa sɔn kpanngban sɔ-ɔ.»

Bo Bolɛ 17:16

M ´mɛn i muae, n ´yo man ɔ wa wu ba yasua kun man wɔ. Yɛ ɔ ´kaci nvle-nvle'm be nannan. Yɛ i anunman wie'm be ´yo nvle sunman be famiɛn.»

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Bo Bolɛ 26:22

Ɔ yacili i lɛ ko kpɛli gbo kun ekun, b'a kɛn-mɛn i li su ndɛ kun nan ɔ'a flɛ i kɛ Reobɔt. Reobɔt i bo'n yɛlɛ lika tɛtrɛ. I waan: «Anannganman ɔ'a yo man y'a kpɛn lika gbaun nun, ɔ man e wa nyan ye lika nga nun.»

Bo Bolɛ 26:4

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ.

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 35:11

Nyanmiɛn seli i kɛ: «Nyanmiɛn b'ɔ kwla like kwlaa yo'n yɛlɛ min. Wu ba kaka man ɔ osu'n ɔ trɛ ɔ kaci nvle wunmuan kun. I kpa'n ɔ ´kaci nvle sunman. Wɔ anunman sɔ'm be wie ´yo famiɛn.

Bo Bolɛ 46:3

Yɛ Nyanmiɛn seli kɛ: «Nyanmiɛn'n yɛlɛ min. Ɔ si i Nyanmiɛn'n yɛlɛ min. Nán srɛ kun wɔ Ezipt kɔlɛ nun. Lɔ yɛ n ´yo man ɔ osu'n ´kaci nvle dan-an.

Bo Bolɛ 47:27

Izraɛl trannin Ezipt lɔ. Kɛ ɔ wo Ezipt lɔ'n ɔ trannin Gozɛn akpasua'n su. Ɔ nin i fuɛ'm be nyannin asiɛ. Be wuli ba kpanngban. Be trɛli kpa.

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

Bo Bolɛ 48:4

Ɔ seli min kɛ: «N wa man wɔ ba nin anunman kpanngban, n ´yo man ɔ osu'n ɔ ´trɛ dan kpa, kpɛkuun n ´fa mɛn nga m ´man ɔ osu'n kɛ ɔ `fa yo i liɛ titi .»

Bo Bolɛ 9:1

Nyanmiɛn boli muae klanman mannin Noe nin i mma mun. Ɔ seli be kɛ: «An `trɛ, an `yi asiɛ wunmuan'n.

Neemi 9:23

Yɛ a mannin be osu kpanngban kpa kɛ nyanmiɛn su lɔ nzraama mun sa. Yɛ a fali be wluli mɛn nga a seli bé nannan'm be kɛ ɔ ´yo be liɛ'n nun.

Jue Mun 105:24

Nyanmiɛn man i nvlefuɛ'm be wuli ba kpanngban kpa. Ɔ yoli man be kwlalɛ bɔ be kwlali'n trali be kpɔfuɛ'm be liɛ'n.

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Ezipt Lɔ Tulɛ'n 1:12

Kɛ be ´kle be nyrɛnnɛn dan be kɔ be nyrun'n, wuun blɛ li yɛ b'a se be kɛ be trɛ nan be fa lika nin-ɔn. I sɔ'n ti, Eziptfuɛ'm be wa kpɔli Izraɛlfuɛ'm be kpɔlɛ kpa.

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 5:5

Siɛn liɛ'n, bɔ nvle sɔ nunfuɛ'm b'a sɔn'n, kpɛkuun amun waan amun ´yo nan nán man be di junman'n kun.»

Ezekiɛl 16:7

N yoli wɔ man a nyinnin kɛ bo nun waka wie sa, yɛ a yoli kpa. A yoli kpɛnngbɛn, a yoli klanman kpa, kpɛkuun a nyannin nyɔnflɛn, ɔ́ wun ndrɛ'm be fili, sanngɛ wuun ɔ́ wun tɛ yo kplɛn, a kla-man like fi.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Mmla'n 10:22

Kɛ amun nannan'm be ´kɔ Ezipt mɛn'n nun lɔ'n, be ti sran ableso. Yɛ Anannganman Nyanmiɛn'n ɔ'a yo man amu'an sɔn kɛ nyanmiɛn su lɔ nzraama'm be sa yɛ.

Mmla'n 26:5

Kpɛkuun man sran'n ɔ jran Anannganman amun Nyanmiɛn'n i nyrun lɛ, nan ɔ `se kɛ: «Min nannan'n ɔ ti Aramfuɛ, ɔ wlan-wlannin lika'm be nun, ɔ tu tran wa, ɔ tu tran wa. Ɔ wa ɔli Ezipt mɛn'n nun lɔ ɔ nin i sran mun. Kɛ be ´kɔ'n, be ti sran ba nnyɔn kun cɛ, b'a sɔn-man. Be ko trannin lɔ, be trɛli, be yoli nvle dan kun b'ɔ lɛ wunmiɛn.