Ezipt Lɔ Tulɛ'n 1:14 - NYANMIƐN NDƐ'N 1998

¹⁴ Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Ezipt Lɔ Tulɛ'n 1:14 ပူးပေါင်းရင်းမြစ်များ

Bo Bolɛ 15:13

Yɛ Anannganman seli i kɛ: «Se kɛ sɛ, wɔ anunman'm be wa tran nvle wie nun. Be ´yo akua, be ´kle be yalɛ afuɛ kpakpa ya nnan .

1 Famiɛn Mun 12:14

gbanflɛn'm be afɔtuɛ liɛ'n yɛ ɔ fali-ɔ. I waan: «Mín si sieli amun kɔmin'n su waka nɔnnin-nɔnnin. N waka liɛ nga n ´fa sie amun kɔmin su'n, ɔ ´yo nɔnnin trɛ i liɛ'n. Mín si fali ngble yɛ ɔ fa boli amun-ɔn. N liɛ'n, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.»

Jue Mun 129:1

Zerizalɛm kɔlɛ'n i su jue. Kɛ ɔ fin min kaan nun lele'n, blɛ sunman be kleli min yalɛ. Man Izraɛlfuɛ'm be kan sɔ wie! Man be se kɛ:

Jue Mun 68:13

E kpɔfuɛ'm be sonja mun be nin be famiɛn mun be wanndi-man ngowa. Bla nga be kali awlo wa'n, be cɛcɛ ninnge nga sonja sɔ'm be nyɛnnin i laa'n be nun.

Jue Mun 81:6

Kɛ Nyanmiɛn nin Eziptfuɛ mun be nyɛnnin i wieli'n yɛ ɔ sieli mmla sɔ'n mannin Zozɛf i osu'n nunfuɛ mun-ɔn. Be kan ndɛ kun n ti, sanngɛ n si-man sran ng'ɔ kan'n. Ɔ se min kɛ:

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 1:13

Eziptfuɛ'm be fa be kacili be kanga nan b'a yo be tɛtɛ kpa.

Ezipt Lɔ Tulɛ'n 1:15

Ebre'm be lɛ ba wufuɛ nnyɔn. Be flɛ kun kɛ Sifra, yɛ be flɛ kun ekun kɛ Pia.

Ezipt Lɔ Tulɛ'n 2:23

I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 6:9

Moiz ko kannin ndɛ sɔ mun kleli Izraɛlfuɛ mun, sanngɛ afɛ b'ɔ o bé su'n ti'n, kanga junman dilɛ'n ti'n, b'a sie-man bé su i bo.

Nyanndra Mun 28:15

Famiɛn wlɛfuɛ b'ɔ sie sran yalɛfuɛ mun b'ɔ tin be su'n, ɔ ti kɛ asɔmɔli b'ɔ su kpan'n sa, yɛ ɔ ti kɛ atiekle bɔ awe kun i'n sa.

Ezai 10:24

I sɔ'n ti, ndɛ nga Anannganman b'ɔ sie mɛn wunmuan'n ɔ kan'n yɛ, i waan: «Min sran mun, amun bɔ amun wo Siɔn'n, nán amun sro Asirifuɛ mun bɔ be fa waka bo amun, bɔ be fa ngble fin amun kɛ Eziptfuɛ'm be yoli i laa'n sa'n.

Ezai 14:6

Sran b'ɔ fali ya'n, b'ɔ di sran'm be tɛtɛ'n, b'ɔ bo be tititi'n, sran sɔ'n b'ɔ fali ya'n, b'ɔ tinnin nvle-nvle'm be nunfuɛ'm be su kplɔlɔlɔ'n, be nin i be lɛ i, be yo-mɛn i blɛblɛ.

Ezai 51:23

Be nga be kle amun nyrɛnnɛn'n, bɔ be se amun kɛ: ‹Amun `la man e sin amún su,› n ´fa n ya sɔ'n gua be su. Amun fali amun wunnɛn'n mannin, yɛ sran'm be fa yoli kɛ klɔ'n nun atin'm bɔ be sin nun'n sa, be nantili su.»

Ezai 52:5

?Yɛ siɛn'n, kɛ bɔ be trali min nvlefuɛ mun lomuɛn sa ngbɛn'n, nzu sa yɛ n wa yo-ɔ?» Anannganman yɛ ɔ usa sɔ-ɔ. «Yɛ be nga be kwlali min nvlefuɛ mun'n, be bo sro, ɔ lɛ-man cɛn bɔ be yo-man min dunman'n i finfin-ɔn .» Anannganman yɛ ɔ se sɔ-ɔ.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Saun Yolɛ 25:43

Nán amun yo be kpokokpoko. Man amun nzuɛn'n ɔ kle kɛ amun nyin yi min bɔ n ti amun Nyanmiɛn'n.

Saun Yolɛ 25:46

Be ti aja, amun ´yaci be amun mma bé sa nun. Be kwla yo amun kanga lele nan kɛ ɔ ´yo-ɔ ɔ'a yo-ɔ. Sanngɛ, b'ɔ ti kɛ Izraɛlfuɛ'm be ngunmin-ngunmin be afiɛn'n, nán man sran kun yo i niaan kun tɛtɛ.

Saun Yolɛ 25:53

Blɛ nga b'ɔ tɛ o i min'n i sa nun'n, man be fɛ i be bu kɛ afuɛ nuan kpafuɛ sa. Kɛ ɔ ko yo nan i min'n ɔ'a yo-mɛn i tɛtɛ'n ti'n, amun `niɛn i lika.

Mise 3:3

Be di min sran'm be nnɛn'n, be yi bé kplo'n, be bu be owie mun, be kpɛkpɛ be nun kpekpe kɛ nnɛn bɔ be su fa wlɛ i sɛ nun be ´tɔn'n sa.

Naɔm 3:14

Sɛ bɔ amun waan: «Alɛ b'ɔ ba'n ti'n, amun `sa nzue be sie, amun `wlawla be sasawlɛ lika'm talɛ'm be nun, amun `yo be kpa kekleke! Amun `si ufa'n yɛ amun `siesie bliki kpɛwlɛ'm be ye!

Kalɛ 20:15

Laa, e nannan'm be ko trannin Ezipt mɛn'n nun lɔ, e nvle'n cɛli lɔ kpa. Eziptfuɛ'm be yoli é nannan mun nin e bɔbɔ e tɛtɛ.

Sa nga bé yôli'n 7:19

Famiɛn sɔ'n lakali e nannan mun, ɔ yoli be tɛtɛ kpa, ɔ man be guali be bɔbɔ be mma'm be blo.

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Mmla'n 26:6

Eziptfuɛ'm be kleli e yalɛ, be mianmiannin e. Be fali e yoli be kanga, be man e dili junman kekleekle mun.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.

Rit I Wun Ndɛ 1:20

Yɛ Naomi waan: «Nán amun flɛ min Naomi , amun `flɛ min Mara , afin Nyanmiɛn b'ɔ kwla like kwlaa yo'n, ɔ'a wla min klunngbɔ.