Ezipt Lɔ Tulɛ'n 1:13 - NYANMIƐN NDƐ'N 1998

¹³ Eziptfuɛ'm be fa be kacili be kanga nan b'a yo be tɛtɛ kpa.

Ezipt Lɔ Tulɛ'n 1:13 ပူးပေါင်းရင်းမြစ်များ

Bo Bolɛ 15:13

Yɛ Anannganman seli i kɛ: «Se kɛ sɛ, wɔ anunman'm be wa tran nvle wie nun. Be ´yo akua, be ´kle be yalɛ afuɛ kpakpa ya nnan .

1 Famiɛn Mun 12:14

gbanflɛn'm be afɔtuɛ liɛ'n yɛ ɔ fali-ɔ. I waan: «Mín si sieli amun kɔmin'n su waka nɔnnin-nɔnnin. N waka liɛ nga n ´fa sie amun kɔmin su'n, ɔ ´yo nɔnnin trɛ i liɛ'n. Mín si fali ngble yɛ ɔ fa boli amun-ɔn. N liɛ'n, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.»

2 Be Nyoliɛ 10:11

Mín si sieli amun kɔmin su waka nɔnnin-nɔnnin. N waka liɛ nga n ´fa sie amun kɔmin'n su'n, ɔ ´yo nɔnnin trɛ i liɛ'n. Mín si fali ngble yɛ ɔ fa boli amun-ɔn. N liɛ, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.› »

Jue Mun 105:25

Ɔ kacili Eziptfuɛ'm be anwlɛn'n, Nyanmiɛn yoli man b'a klo-mɛn i bɔbɔ i sran'n bé sa kun. Be kpɛli be gblɛ, be yoli be tɛtɛ.

Ezipt Lɔ Tulɛ'n 1:14

Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Nyanndra Mun 28:15

Famiɛn wlɛfuɛ b'ɔ sie sran yalɛfuɛ mun b'ɔ tin be su'n, ɔ ti kɛ asɔmɔli b'ɔ su kpan'n sa, yɛ ɔ ti kɛ atiekle bɔ awe kun i'n sa.

Saun Yolɛ 25:43

Nán amun yo be kpokokpoko. Man amun nzuɛn'n ɔ kle kɛ amun nyin yi min bɔ n ti amun Nyanmiɛn'n.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.