Ezipt Lɔ Tulɛ'n 1:11 - NYANMIƐN NDƐ'N 1998

¹¹ Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 1:11 ပူးပေါင်းရင်းမြစ်များ

Bo Bolɛ 15:13

Yɛ Anannganman seli i kɛ: «Se kɛ sɛ, wɔ anunman'm be wa tran nvle wie nun. Be ´yo akua, be ´kle be yalɛ afuɛ kpakpa ya nnan .

Bo Bolɛ 47:11

Zozɛf sieli i si nin i niaan mun Ezipt i lika kpa'n nun. Ɔ sieli be Ramsɛs nvle'n nun kɛ Ezipt famiɛn'n fa kannin'n sa.

1 Famiɛn Mun 9:19

Yɛ kusu ɔ kplannin klɔ ng'ɔ tian fie su ninnge nga be nyan be'n be nuan be su'n, ɔ nin klɔ ng'ɔ fɛ i kakaklolo ng'ɔ fa kun alɛ'n, ɔ nin i nnɛn kpanngɔ mun sie be su mun'n. Ɔ kplannin lika kwlaa ng'ɔ o i klun kɛ ɔ ´kplan'n. Ɔ kplannin be Zerizalɛm lɛ, annzɛ Liban oka'n, ɔ nin mɛn ng'ɔ ti su kpɛn'n i wunmuan'n nun.

2 Be Nyoliɛ 16:4

Bɛn-Adad kplinnin nga famiɛn Aza usɛli i kɛ ɔ yo'n su. Ɔ sunmɛnnin i sonja kpɛnngbɛn mun kɛ be nin Izraɛl klɔ'm be sufuɛ mun be ko kun. Be ɔli, nan b'a kwla Izɔn klɔ'n, nin Dan klɔ'n, ɔ nin Abɛl-Maim klɔ'n be sufuɛ mun, yɛ be fali Nɛftali akpasua'n su klɔ mun bɔ be sie ninnge diwa'm be lɔ'n.

2 Be Nyoliɛ 8:4

Ɔ kplannin Tadmɔr klɔ'n b'ɔ o aawlɛ flɛnnɛn'n nun lɔ'n. Yɛ klɔ nga bɔ be tiantian fie su ninnge'm be nuan be su'n bɔ be o Amat bue liɛ'n su lɔ'n, ɔ kplannin be ekun.

Jue Mun 105:13

Be fɛ i mɛn kun nun be kɔ uflɛ nun. Be tu be tran nvle kun nun, kpɛkuun be tu be kɔ tran uflɛ nun.

Jue Mun 129:1

Zerizalɛm kɔlɛ'n i su jue. Kɛ ɔ fin min kaan nun lele'n, blɛ sunman be kleli min yalɛ. Man Izraɛlfuɛ'm be kan sɔ wie! Man be se kɛ:

Jue Mun 129:2

«Kɛ ɔ fin min kaan nun lele'n, blɛ sunman be kleli min yalɛ» sanngɛ b'a kwla-man min.

Jue Mun 68:13

E kpɔfuɛ'm be sonja mun be nin be famiɛn mun be wanndi-man ngowa. Bla nga be kali awlo wa'n, be cɛcɛ ninnge nga sonja sɔ'm be nyɛnnin i laa'n be nun.

Jue Mun 81:6

Kɛ Nyanmiɛn nin Eziptfuɛ mun be nyɛnnin i wieli'n yɛ ɔ sieli mmla sɔ'n mannin Zozɛf i osu'n nunfuɛ mun-ɔn. Be kan ndɛ kun n ti, sanngɛ n si-man sran ng'ɔ kan'n. Ɔ se min kɛ:

Ezipt Lɔ Tulɛ'n 1:14

Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Ezipt Lɔ Tulɛ'n 2:11

Kɛ Moiz yoli kpɛnngbɛn'n, le kun ɔ ɔli i niaan Ebre'm bé wun lɔ. Ɔ wunnin plɔtrɔ junman nga be fa mian be kɛ be di'n. Ɔ wunnin Eziptfuɛ kun b'ɔ su bo i niaan Ebre'm be nun kun.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 5:10

Eziptfuɛ nga be ti plɔtrɔ junman difuɛ'm be su nianfuɛ mun, be nin Izraɛlfuɛ nga be ti junman'n su kpɛnngbɛn kanngan'm be fin Ezipt famiɛn'n i awlo lɔ be ɔli Izraɛlfuɛ'm bé sin be ko seli be kɛ: «Ndɛ nga Ezipt famiɛn'n ɔ'a kan'n yɛ: ‹Be su man-man amun ijre kun.

Ezipt Lɔ Tulɛ'n 5:15

Junman'n su kpɛnngbɛn kanngan sɔ'm be ɔli Ezipt famiɛn'n i wun lɔ, be ko seli i kɛ be klun jɔ-man. Be usɛli i kɛ: «?Nannan, nguɛ ti yɛ a yo e sɔ-ɔ?

Ezipt Lɔ Tulɛ'n 5:8

Sanngɛ amun `mian be man be kpɛ bliki nga be kpɛ titi'n i nuan su. Nán amun ti su. Be ti fuɛnfuɛ, i sɔ'n ti yɛ be waan be man be atin nan be ´ko yi tɛ man be Nyanmiɛn nin-ɔn.

Nyanndra Mun 27:4

Ya tɛ'n ɔ man be kun sran-an ɔ yo ye. Anwlɛn fufu'n ɔ man be ´yo sa-a be wun-man nun. Anyinbloɛ'n i liɛ'n tra ngba, sran fi kwla jrɛn-mɛn i nyrun.

Kalɛ 20:15

Laa, e nannan'm be ko trannin Ezipt mɛn'n nun lɔ, e nvle'n cɛli lɔ kpa. Eziptfuɛ'm be yoli é nannan mun nin e bɔbɔ e tɛtɛ.

Mmla'n 26:6

Eziptfuɛ'm be kleli e yalɛ, be mianmiannin e. Be fali e yoli be kanga, be man e dili junman kekleekle mun.