Ɛstɛr 9:30 - NYANMIƐN NDƐ'N 1998

³⁰ Be fali fluwa sɔ'n be ko mannin Zuif'm be kwlaa bɔ be o Asieris i mɛn'n i akpasua ya ablaɔn-nin-nso'm be su'n. Be klɛli fluwa sɔ'n kɛ be ´fa gua be anwlɛn su nzue nan nán srɛ kun be.

Ɛstɛr 9:30 ပူးပေါင်းရင်းမြစ်များ

Bo Bolɛ 23:1

Sara dili afuɛ ya kun afuɛ ablaɔn-nin-nso yɛ ɔ wuli-ɔ.

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Ɛstɛr 8:9

Be kali lɛ be flɛli famiɛn'n i fluwa klɛfuɛ mun Sivan anglo'n b'ɔ ti anglo'n nsan su'n i le ablaɔn-nin-nsan'n su nan b'a klɛ ndɛ nga Mardose waan be klɛ'n i kwlaa. Be fa fluwa nga be klɛli ko mannin Zuif mun nin kpɛnngbɛn mun, ɔ nin siefuɛ mun, ɔ nin akpasua ng'ɔ fɛ i Ɛnd lɛ lele fa ju Etiopi'n. Be ti akpasua-akpasua ya ablaɔn-nin-nso. Be niannin akpasua'm be fluwa klɛlɛ wafa liɛ'm be su, ɔ nin be aniɛn'm be su yɛ be klɛli fluwa sɔ nin-ɔn. Yɛ be niannin Zuif'm be fluwa klɛlɛ i wafa'm be su, ɔ nin be aniɛn'm be su yɛ be klɛli be liɛ'n kusu-ɔ.

Jue Mun 73:27

Be nga be jaso ɔ wun lɛ be kɔ mmua'n, san be ´tɔ. Yɛ be nga be kaci be sin si wɔ'n, a yi be sran nun mlɔnmlɔnmlɔn.

Ezai 32:17

Sɛ e ´kwla se'n, like ng'ɔ su sa nuan su yolɛ'n su'n yɛlɛ aunjuɛ. Yɛ ɔ yo man bé wla gua ase tititi, yɛ sa su nyan-man be.

Ezai 39:8

Ezekias tɛli Ezai su kɛ: «Jasin nga Anannganman fa wlali ɔ́ nuan kɛ a bo kle min'n ti jasin fɛ, afin min blɛ su'n, aunjuɛ cɛ yɛ e ´nyɛn i-ɔ, yɛ alaje cɛ yɛ e ´di-ɔ!»

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»