Ɛstɛr 9:29 - NYANMIƐN NDƐ'N 1998

²⁹ Famiɛn bla Ɛstɛr b'ɔ ti Abiail wa'n nin Mardose be kwlalɛ bɔ be lɛ i'n ti, be klɛli fluwa nnyɔn su'n kɛ be `jran cɛn sɔ'n i dilɛ ndɛ'n su.

Ɛstɛr 9:29 ပူးပေါင်းရင်းမြစ်များ

Ɛstɛr 2:15

Kɛ Ɛstɛr b'ɔ ti Mardose i si niaan bian Abiail wa'n i famiɛn sin kɔlɛ cɛn'n juli'n, ninnge nga Egai b'ɔ nian i bla'm be su'n kleli i'n cɛ, yɛ ɔ fali-ɔ. Sran kwlaa ng'ɔ nin Ɛstɛr yia'n, san Ɛstɛr wun ´yo i fɛ.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ɛstɛr 8:10

Be fali famiɛn Asieris dunman'n yɛ be klɛli fluwa nin-ɔn, yɛ be fɛli i nzɔliɛ'n be sieli su. Be fali fluwa sɔ'n mun be wlali sran nga be fu awa nnɛn kpanngɔ'm be su'n be sa nun kɛ be fa ɔ. Nnɛn kpanngɔ sɔ'm be fin famiɛn'n i awlo lɔ.

Ɛstɛr 9:20

Mardose klɛli sa sɔ mun ko mannin Zuif nga be o Asieris i mɛn'n nun akpasua kunngun kwlaa be su'n, akpasua nga be o mmua'n bé su o, nga be o koko'n bé su o.

Ɛstɛr 9:21

Ɔ klɛli i kɛ afuɛ nuan kwlaa be `fa Adar anglo'n i le blu-nin-nnan nin i le blu-nin-nnun su'n be `yo cɛn be `di.

Ɛstɛr 9:28

Be sieli kɛ be osu-osu mun nin be awlobo kunngun mun, nin be akpasua kunngun mun, ɔ nin be klɔklɔ'm bé wla `kpɛn Pirim cɛn sɔ'n su. Be waan nán man Pirim cɛn sɔ'n mlin be klun mlɔnmlɔn, yɛ nán man Zuif be yaci cɛn sɔ'n dilɛ mlɔnmlɔn.