Ɛstɛr 9:27 - NYANMIƐN NDƐ'N 1998

²⁷ Zuif'm be sili be wue nun kɛ afuɛ nuan kwlaa ng'ɔ yia'n, be nin be osu'n nunfuɛ mun nin be nga b'a kaci Zuif'n, be ´nian cɛn nnyɔn sɔ'm be su kpa be ´fa di cɛn kɛ Mardose fa klɛli'n sa.

Ɛstɛr 9:27 ပူးပေါင်းရင်းမြစ်များ

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Ɛstɛr 9:20

Mardose klɛli sa sɔ mun ko mannin Zuif nga be o Asieris i mɛn'n nun akpasua kunngun kwlaa be su'n, akpasua nga be o mmua'n bé su o, nga be o koko'n bé su o.

Ɛstɛr 9:21

Ɔ klɛli i kɛ afuɛ nuan kwlaa be `fa Adar anglo'n i le blu-nin-nnan nin i le blu-nin-nnun su'n be `yo cɛn be `di.

Ɛstɛr 9:28

Be sieli kɛ be osu-osu mun nin be awlobo kunngun mun, nin be akpasua kunngun mun, ɔ nin be klɔklɔ'm bé wla `kpɛn Pirim cɛn sɔ'n su. Be waan nán man Pirim cɛn sɔ'n mlin be klun mlɔnmlɔn, yɛ nán man Zuif be yaci cɛn sɔ'n dilɛ mlɔnmlɔn.

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 56:3

Nán aofuɛ b'ɔ fɛ i wun mantan Anannganman'n ɔ se kɛ: «Kannzɛ ɔ yo sɛ, Anannganman ɔ ´yi min i sran'm be nun!» Nán sran'n bɔ be sɛli i'n ɔ se kɛ: «N liɛ waka kee yɛlɛ min!»

Ezai 56:6

Aofuɛ nga be fa bé wun mantan min'n, bɔ be bu min sran'n, bɔ be klo min'n, bɔ be fa bé wun man kɛ be ´yo min sufuɛ'n, bɔ be sie min wunmiɛn-delɛ-cɛn'n i ngunmin'n, bɔ be nian aenguɛ nga min nin min nvle'n nunfuɛ mun e trali'n i mmla'n su kpa'n,

Ezekiɛl 16:61

Ɔ wla wa kpɛn ɔ nzuɛn'n su, yɛ nyannzuɛn'n ɔ wa kun wɔ blɛ bɔ a wa sɔ ɔ niaan bla'm be nun, ɔ nyrun kpɛn mun o, ɔ sinma mun o. N ´fa be man wɔ kɛ ɔ mma bla mun sa, sanngɛ nán kɛ be o aenguɛ nga min nin wɔ e trali'n nun wie ti-ɔ.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Kalɛ 15:15

Mmla kunngba nga Izraɛlfuɛ'm be kwlaa be di su'n, yɛ aofuɛ'm be kusu be `di su-ɔ. M bɔbɔ min Anannganman n kpa-man sran'm be nun. Wafa nga n fa bu Izraɛlfuɛ mun'n yɛ n fa bu aofuɛ mun-ɔn.

Mmla'n 5:3

Aenguɛ sɔ b'ɔ trali'n, nán é si'm be ngunmin yɛ ɔ nin be trali-ɔ, sanngɛ ɔ nin e nga e o wa yɛ'n bɔ kɛ e ´se yɛ'n é nyin tɛ o su'n, ɔ nin e kwlakwla yɛ ɔ trali-ɔ.

Zozie 9:15

Yɛ Zozie nin be trali aenguɛ-ɔ, b'ɔ kle kɛ be ko kun-man be. Kpɛnngbɛn'm be kusu be tali be nda sɔ wie.

1 Samiɛl 30:25

Kɛ ɔ fɛ i le kun sɔ nun'n, David fa kacili mmla Izraɛl lɔ. Kɛ e ´se ndɛ yɛ'n be tɛ di su.