Ɛstɛr 9:22 - NYANMIƐN NDƐ'N 1998

²² Cɛn dilɛ sɔ'n ´kpɛn be wla kɛ cɛn sɔ'n nun yɛ be nyannin alaje be kpɔfuɛ'm be sa nun-ɔn. Anglo'n kusu ´kpɛn bé wla kɛ i nun yɛ bé sa yalɛ'n kacili be cenjele sa nin-ɔn. Nan i ti, be `fa yo cɛn be `di nan be klun `jɔ, be `man be wiengu'm be like, be `cɛ yalɛfuɛ'm be like.

Ɛstɛr 9:22 ပူးပေါင်းရင်းမြစ်များ

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ɛstɛr 9:21

Ɔ klɛli i kɛ afuɛ nuan kwlaa be `fa Adar anglo'n i le blu-nin-nnan nin i le blu-nin-nnun su'n be `yo cɛn be `di.

Ɛstɛr 9:23

Zuif'm be niannin Mardose ndɛ'n su be yoli. Be fali cɛn sɔ'n i dilɛ'n yoli be nzuɛn.

Jue Mun 103:2

N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 149:7

Man be fa tokofi sɔ'n be tu be klunngbɔ nvle-nvlefuɛ'm bé su. Man be fa tu nvle-nvlefuɛ sɔ'm be fɔ.

Jue Mun 30:11

Anannganman, sie ɔ su. Si min aunnvuɛ. Anannganman, de min.

Jue Mun 30:12

Mín wla b'ɔ boli min wun'n, wɔ ti man n su si able siɛn'n. W'a yi mín wun sɛ tralɛ'n, ɔ man min klun ɔ'a jɔ.

Jue Mun 37:15

Be tokofi'n ɔ ´wɔ be bɔbɔ be anwlɛn ba'n. Be ta'm be ´bubu.

Ezai 14:3

Izraɛlfuɛ mun, cɛn nga Anannganman yo nan amún wun jɔ amun fɔun'n, sɛ amun afɛ'n nin amun nyrɛnnɛn'm be wie'n, sɛ be yaci amun nun bɔ amun ti-man kanga kun'n,

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»

Matthieu 5:4

Be nga bé wla a bo'n, be liɛ su ti ye, afin Nyanmiɛn wa fɔnvɔ be !

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

Galasifuɛ Mun 2:10

Like kun nga be srɛli ye kɛ e yo'n yɛlɛ kɛ e `bu yalɛfuɛ mun bɔ be o be nun'n be akunndan, yɛ n kusu m miannin min nyin sa sɔ'n i yolɛ'n nun.

Mmla'n 15:7

Sɛ amun niaan yalɛfuɛ kun wo amun afiɛn mɛn nga Anannganman amun Nyanmiɛn'n ɔ'a fa man amun'n nun'n klɔ wie su'n, sɛ ɔ usa amun afɛ'n, nán amun kete amun anwlɛn'n, amun `bo i bosia ng'ɔ usa'n.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

Mmla'n 16:15

Amun `di cɛn sɔ'n le nso lika nga Anannganman amun Nyanmiɛn'n ɔ kle'n nun, amun `di fa mɛnmɛn i. Amun `yi amun aklunjuɛ i nglo yɛlɛ kɛ Anannganman amun Nyanmiɛn'n yo man amun fie'm be yo kpa, yɛ like kwlaa nga amun yo'n ɔ ´yo ye.

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.

1 Samiɛl 25:8

Sɛ ɔ waan m ´bua ato-ɔ usa, be ´kan kle wɔ. Nan i sɔ'n ti nian min gbanflɛn'm be nyrun. Nyanmiɛn sa, y'a to wɔ cɛn dilɛ cɛn nun, like kwlaa nga a nyɛn i'n, fa man be ɔ nin ɔ sufuɛ David.› »