Ɛstɛr 9:20 - NYANMIƐN NDƐ'N 1998

²⁰ Mardose klɛli sa sɔ mun ko mannin Zuif nga be o Asieris i mɛn'n nun akpasua kunngun kwlaa be su'n, akpasua nga be o mmua'n bé su o, nga be o koko'n bé su o.

Ɛstɛr 9:20 ပူးပေါင်းရင်းမြစ်များ

1 Be Nyoliɛ 16:12

Nyanmiɛn sufuɛ Izraɛl i osu'n nunfuɛ mun, Zakɔb i mma mun, amun bɔ Nyanmiɛn'n kpali amun'n, man amún wla kpɛn abonuan sa nga Anannganman yoli mun nin i atrɛ ng'ɔ yili mun, ɔ nin jɔlɛ ng'ɔ dili'n be'n be su.

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Ɛstɛr 1:22

Ɔ klɛli fluwa fa ɔli mɛn ng'ɔ sie'n i nun akpasua-akpasua'n kwlaa su. Ɔ klɛli fluwa sɔ mun aniɛn fanunfanun'm be nun, ɔ klɛli i kɛ yasua'm be kwlaa be `yo be awlo'm be su kpɛn nan be klɔ aniɛn liɛ'n yɛ be `kɛn i be awlo'm be nun-ɔn.

Ɛstɛr 3:12

Anglo klikli'n i le blu-nin-nsan su'n, be flɛli famiɛn'n i fluwa klɛfuɛ mun nan b'a nian ndɛ nga Aman kannin'n su b'a klɛ fluwa b'a ko man famiɛn i ja nunfuɛ mun nin akpasua'm be su siefuɛ mun, ɔ nin nvle'm be su kpɛnngbɛn mun. Fluwa sɔ mun'n, be niannin akpasua'm be fluwa klɛlɛ wafa'm be su yɛ be klɛli be-ɔ, yɛ be niannin nvle'm be kwlaa be aniɛn'm be su yɛ be klɛli be-ɔ. Fluwa sɔ'n, famiɛn Asieris dunman nun yɛ be klɛli be-ɔ, yɛ i nga'n i nzɔliɛ'n wo su.

Ɛstɛr 8:9

Be kali lɛ be flɛli famiɛn'n i fluwa klɛfuɛ mun Sivan anglo'n b'ɔ ti anglo'n nsan su'n i le ablaɔn-nin-nsan'n su nan b'a klɛ ndɛ nga Mardose waan be klɛ'n i kwlaa. Be fa fluwa nga be klɛli ko mannin Zuif mun nin kpɛnngbɛn mun, ɔ nin siefuɛ mun, ɔ nin akpasua ng'ɔ fɛ i Ɛnd lɛ lele fa ju Etiopi'n. Be ti akpasua-akpasua ya ablaɔn-nin-nso. Be niannin akpasua'm be fluwa klɛlɛ wafa liɛ'm be su, ɔ nin be aniɛn'm be su yɛ be klɛli fluwa sɔ nin-ɔn. Yɛ be niannin Zuif'm be fluwa klɛlɛ i wafa'm be su, ɔ nin be aniɛn'm be su yɛ be klɛli be liɛ'n kusu-ɔ.

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ɛstɛr 9:21

Ɔ klɛli i kɛ afuɛ nuan kwlaa be `fa Adar anglo'n i le blu-nin-nnan nin i le blu-nin-nnun su'n be `yo cɛn be `di.

Ɛstɛr 9:26

I sɔ'n ti yɛ be flɛli cɛn sɔ'n kɛ Pirim cɛn nin-ɔn. Pirim fin Pir bɔ i bo'n yɛlɛ fɔtɔ tulɛ. Fluwa nga Mardose klɛli'n, be niannin i nun ndɛ'n kwlaa su be yoli i su sa'n. Ɔ klɛli sa nga be wunnin i b'ɔ juli be su'n.

Ɛstɛr 9:27

Zuif'm be sili be wue nun kɛ afuɛ nuan kwlaa ng'ɔ yia'n, be nin be osu'n nunfuɛ mun nin be nga b'a kaci Zuif'n, be ´nian cɛn nnyɔn sɔ'm be su kpa be ´fa di cɛn kɛ Mardose fa klɛli'n sa.

Ɛstɛr 9:29

Famiɛn bla Ɛstɛr b'ɔ ti Abiail wa'n nin Mardose be kwlalɛ bɔ be lɛ i'n ti, be klɛli fluwa nnyɔn su'n kɛ be `jran cɛn sɔ'n i dilɛ ndɛ'n su.

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Zeremi 29:1

Zeremi klɛli fluwa Zerizalɛm lɔ ko mannin kpɛnngbɛn nga be nyin wo su'n nin Nyanmiɛn nyrun jranfuɛ mun, nin Nyanmiɛn nuan ijɔfuɛ mun, nin Izraɛlfuɛ nga be trali be lomuɛn Zerizalɛm lɔ ɔli Babilɔni'n be kwlaa.