Ɛstɛr 9:2 - NYANMIƐN NDƐ'N 1998

² Asieris mɛn'n i akpasua'n kwlaa nga Zuif'm be o su'n, be ti yiali klɔ'm be su, be nin be nga be buli be kunlɛ akunndan'n be kunnin. Sran fi jran be nyrun-ɔn, ɔ'a yo-man ye, afin sran'm be kwlaa be sroli be.

Ɛstɛr 9:2 ပူးပေါင်းရင်းမြစ်များ

Bo Bolɛ 35:5

Kɛ Zakɔb nin i mma'm be ´tu lɛ be kɔ'n, Nyanmiɛn man srɛ kunnin klɔ nga be mantan lɛ'n be sufuɛ mun. Ɔ man b'a kan-man be su sulɛ ndɛ.

Ɛstɛr 8:11

Be klɛli fluwa sɔ'n nun kɛ famiɛn'n ɔ'a man Zuif nga be o klɔ kunngun kwlaa be su'n be atin kɛ be yia nan be kpli bé ti. I waan mɛn nun akpasua'n kwlaa nin nvle'n kwlaa nun sran nga be fa alɛ kunlɛ ninnge kɛ be ´fa yo Zuif'm be like'n, sɛ be nyan be'n, be `kun be tɛ kpa, be nunnun be nin bé yi nin be mma mun, yɛ be `fɛn bé bo ninnge mun.

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Jue Mun 71:13

Man be bɔ min fɔ'n yɛ be bu'n, be wun nyannzuɛn, man be nunnun. Man be bɔ be klo kɛ n wun nyrɛnnɛn'n, be wun nyannzuɛn sa mlɔnmlɔnmlɔn!

Jue Mun 71:24

Cɛn kwlaa n ´kan ɔ sa bɔ a yo i nuan su'n i wun ndɛ. Be bɔ be kunndɛ kɛ sa nyan min'n, bé nyin'n yɛ ɔ'a gua ase sa mlɔnmlɔnmlɔn-ɔn.

Ezipt Lɔ Tulɛ'n 23:27

Srɛ dan kpa ´kun nvle nga be ´ti i kɛ amun su ba'n be nunfuɛ mun. N ´sanngan nvle nga amun ´wlu nun'm be nun. Amun kpɔfuɛ'm be kɔmin sin'n yɛ amun ´wun i-ɔ, afin be ´wanndi amun nyrun.

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Mmla'n 2:30

Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

Zozie 2:9

nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.