Ɛstɛr 9:13 - NYANMIƐN NDƐ'N 1998

¹³ Ɛstɛr tɛli i su kɛ: «Nannan, sɛ ɔ su kle-man ɔ yalɛ'n, man Siz wa Zuif'm be atin ainman man be yo sa nga wɔ man be yoli i ndɛkɛn'n ekun. Yɛ man be wla Aman i wa blu'm be fuɛn'm be kɔmin nyanman nan be `sende be nglo.»

Ɛstɛr 9:13 ပူးပေါင်းရင်းမြစ်များ

2 Samiɛl 21:6

Man be fɛ i osu nun sran nso be man e man e bo be kɔmin Anannganman nyrun Gibea lɔ kan Anannganman fɛ i sieli famiɛn'n b'ɔ trannin lɛ laa'n.» Famiɛn'n waan: «N wa fa be m man amun.»

2 Samiɛl 21:9

David fali be mannin Gabaɔnfuɛ mun, nan b'a bo be kɔmin oka'n su Anannganman nyrun lɛ. Be sran nso'm be wuli likawlɛ. Kɛ be ´kun be sɔ'n, wuun blɛ liɛ yɛ be su bo ɔrz i kpɛlɛ'n bo-ɔ.

Ɛstɛr 8:11

Be klɛli fluwa sɔ'n nun kɛ famiɛn'n ɔ'a man Zuif nga be o klɔ kunngun kwlaa be su'n be atin kɛ be yia nan be kpli bé ti. I waan mɛn nun akpasua'n kwlaa nin nvle'n kwlaa nun sran nga be fa alɛ kunlɛ ninnge kɛ be ´fa yo Zuif'm be like'n, sɛ be nyan be'n, be `kun be tɛ kpa, be nunnun be nin bé yi nin be mma mun, yɛ be `fɛn bé bo ninnge mun.

Ɛstɛr 9:14

Famiɛn'n mannin atin be yoli be sɔ, be boli ndɛ'n i jɔ sinnin Siz klɔ'n su, kpɛkuun be sendeli Aman wa blu'm be fuɛn'm be nglo.

Ɛstɛr 9:15

Siz lɔ Zuif'm be yiali Adar anglo'n i le blu-nin-nnan'n su nan b'a kun Siz sran ya nsan ekun, sanngɛ b'a fɛn-man bé bo ninnge mun.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Mmla'n 21:23

nán man i fuɛn'n ka waka'n su lɛ. Amun `ka lɛ be `sie i le kunngba'n nun, afin sran nga be bo i kɔmin'n, wuun Nyanmiɛn boli i sannzan. Ɔ man nán amun fa saci asiɛ nga Anannganman amun Nyanmiɛn'n ɔ'a fa man amun'n .