Ɛstɛr 8:7 - NYANMIƐN NDƐ'N 1998

⁷ Famiɛn Asieris tɛli Ɛstɛr nin Mardose b'ɔ ti Zuif'n be su kɛ: «Aman bɔ i waan ɔ ´nunnun Zuif mun'n, m'an bo i kɔmin. M'an fɛ i awlo'n m'an man wɔ Ɛstɛr.

Ɛstɛr 8:7 ပူးပေါင်းရင်းမြစ်များ

Ɛsdras 4:6

Kɛ famiɛn Asieris trannin bia'n su'n, ɔ'a cɛ-man, kpɛkuun Izraɛlfuɛ'm be kpɔfuɛ mun be klɛli fluwa kun ko mɛnnin i. Fluwa sɔ nun'n, be di Zerizalɛmfuɛ mun nin Zidafuɛ'm bé bo abla.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Ɛstɛr 7:9

Yɛ Arbɔna b'ɔ ti famiɛn i sran'm be nun kun'n waan: «Mardose b'ɔ deli famiɛn'n, i kɔmin bowlɛ nga Aman kplannin'n wo Aman bɔbɔ i awlo'n nun lɔ. I nglo-nglo su'n ti mɛtri ablaɔn-nin-nnun.» Yɛ famiɛn'n waan: «Amun `ko bo i kɔmin waka sɔ'n su.»

Ɛstɛr 8:1

Le kunngba sɔ nun'n, famiɛn Asieris fali Aman b'ɔ ti Zuif'm be kpɔfuɛ'n i awlo'n mannin Ɛstɛr. Kɛ ɔ ´yo sɔ'n, wuun Ɛstɛr ɔ'a dun mmua kan kle famiɛn'n kɛ Mardose ti i osufuɛ. Nan Mardose ɔ'a ɔ famiɛn'n wun lɔ.

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»