Ɛstɛr 8:3 - NYANMIƐN NDƐ'N 1998

³ Ɛstɛr kannin ndɛ kleli famiɛn'n ekun. Ɔ bubu guali asiɛ wun gblo! Ɔ kotoli famiɛn'n bo, ɔ sunnin nan ɔ'a srɛ i kɛ ɔ yaci nan klunwi sa nga Aman b'ɔ ti Agag osu nunfuɛ'n guguli kɛ be ´fa yo Zuif mun'n, nán man ɔ kplin su!

Ɛstɛr 8:3 ပူးပေါင်းရင်းမြစ်များ

2 Famiɛn Mun 4:27

Kɛ ɔ juli Nyanmiɛn sran'n wun lɔ oka'n su lɔ'n, ɔ trɛli i ja'n. Geazi waan wuun ɔ ´ko su i bo, nan Elize ɔ'a se i kɛ: «Yaci i nun, i wla a bo i wun dan. Sanngɛ Anannganman ɔ'a yi-man sa nga ti yɛ i wla a bo i wun'n i nglo ɔ'a kle-man min. Ɔ fa fiali mín wun.»

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ɛstɛr 7:4

Afin b'a yo min nin min nvlefuɛ mun e atɛ kɛ be `nunkun ye, be `kpɛ e kɔmin, yɛ be `nunnun ye mlɔnmlɔn. Sɛ ɔ ti kɛ be waan be ´yo ye atɛ nan e `kaci kanga'n, wuun n kan-man ndɛ. Nannan, like nga e kpɔfuɛ'n waan ɔ saci i'n ti dan. Sɛ ɔ saci'n, be tannin i kalɛ-ɔ, ɔ su yo-man ye.»

Ɛstɛr 8:2

Yɛ famiɛn'n yili i sama ti nga ng'ɔ fa wlali Aman sa'n nan ɔ'a fa wla Mardose sa. Ɛstɛr kusu fali Aman awlo'n mannin Mardose kɛ ɔ nian su.

Ɛstɛr 8:4

Kpɛkuun famiɛn'n fɛli i sika kpɔnman'n fa tinngɛli Ɛstɛr nyrun yɛ Ɛstɛr jasoli-ɔ,

Ezai 38:2

Ezekias kpɛli i nyin talɛ lɔ, yɛ ɔ srɛli Anannganman,

Ndɛ Nga Nyanmiɛn I Nuan Ijɔfuɛ Oze Kannin'n 12:4

Zakɔb i gblɛ'n, ɔ nin i fin i nin klun. Kɛ ɔ ´sɔ i niaan bian jasin nanndi'n, wuun ɔ tɛ o i nin klun . Yɛ kɛ ɔ wa yoli kpɛnngbɛn'n, ɔ nin Nyanmiɛn be tuli,

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

1 Samiɛl 25:24

Yɛ ɔ seli David kɛ: «Nannan, yaci, min yɛ n yoli wɔ tɛ nin-ɔn, nan sanngɛ n klo kɛ n ´kan ndɛ. Sie ɔ su tie.