Ɛstɛr 8:17 - NYANMIƐN NDƐ'N 1998

¹⁷ Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Ɛstɛr 8:17 ပူးပေါင်းရင်းမြစ်များ

Bo Bolɛ 35:5

Kɛ Zakɔb nin i mma'm be ´tu lɛ be kɔ'n, Nyanmiɛn man srɛ kunnin klɔ nga be mantan lɛ'n be sufuɛ mun. Ɔ man b'a kan-man be su sulɛ ndɛ.

Neemi 8:10

Be seli be ekun kɛ: «Amun `wɔ amun awlo, amun `di aliɛ kpakpa, yɛ amun `nɔn nzan bɔ be bo-man'n. Amun `ko man be nga b'a tɔn-man like'n be wie. Ndɛ cɛn'n ti e Min'n i liɛ. Nán amun mlan amun nyrun. Aklunjuɛ ng'ɔ fin Anannganman'n, ɔ ´man amun fanngan.»

Ɛstɛr 9:17

Adar anglo'n i le blu-nin-nsan'n su yɛ be yoli i sɔ sa nin-ɔn. I le blu-nin-nnan'n su be deli wunmiɛn. Be fa yoli be cɛn be dili, be klun jɔli.

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ɛstɛr 9:2

Asieris mɛn'n i akpasua'n kwlaa nga Zuif'm be o su'n, be ti yiali klɔ'm be su, be nin be nga be buli be kunlɛ akunndan'n be kunnin. Sran fi jran be nyrun-ɔn, ɔ'a yo-man ye, afin sran'm be kwlaa be sroli be.

Ɛstɛr 9:22

Cɛn dilɛ sɔ'n ´kpɛn be wla kɛ cɛn sɔ'n nun yɛ be nyannin alaje be kpɔfuɛ'm be sa nun-ɔn. Anglo'n kusu ´kpɛn bé wla kɛ i nun yɛ bé sa yalɛ'n kacili be cenjele sa nin-ɔn. Nan i ti, be `fa yo cɛn be `di nan be klun `jɔ, be `man be wiengu'm be like, be `cɛ yalɛfuɛ'm be like.

Ɛstɛr 9:27

Zuif'm be sili be wue nun kɛ afuɛ nuan kwlaa ng'ɔ yia'n, be nin be osu'n nunfuɛ mun nin be nga b'a kaci Zuif'n, be ´nian cɛn nnyɔn sɔ'm be su kpa be ´fa di cɛn kɛ Mardose fa klɛli'n sa.

Ɛstɛr 9:3

Famiɛn'n i mantanfuɛ mun nin i ja nun jranfuɛ mun, nin siefuɛ mun, nin awa junman difuɛ'm be kwlaa be trannin Zuif'm bé sin Mardose wun srɛ ti.

Jue Mun 105:38

Bé bo tulɛ Ezipt mɛn'n nun lɔ'n ɔ yoli lɔfuɛ'm be fɛ dan, be klun jɔli. Be klun'n b'ɔ ´jɔ'n yɛlɛ srɛ dan b'ɔ kunnin be Izraɛlfuɛ'm bé wun'n b'ɔ su kun-man be kun'n.

Jue Mun 18:43

N nunnun be, be kaci kɛ ndutre bɔ aunngban'n ɔ fita fa kɔ'n sa. N tiatia be su kɛ be su tiatia nnɔtiɛ nun sa.

Ezipt Lɔ Tulɛ'n 15:16

Srɛ kun be, srɛ dan kpa kun be. Kɛ be wunnin ɔ wunmiɛn'n, Anannganman, srɛ b'ɔ kun be kpo'n ti, bé nuan ´muan lele san ɔ sran nga a deli be kanga'n nun'n be ´wie sin.

Mmla'n 11:25

Sran fi su kwla jran-man amun nyrun. Lika kwlaa nga amun ´kɔ lɛ'n, Anannganman amun Nyanmiɛn'n ɔ ´yo man be ´sro amun yɛ be ´usu amun nyrun kɛ ɔ kan kleli amun'n sa.

Mmla'n 2:25

Kɛ ɔ fin ndɛ'n, n wa yo man asiɛ wunmuan'n su nvle'm be nunfuɛ'm be kwlaa be ´sro amun. Kɛ be ti amun ngan'n, be ´usu, be wla'n ´bo.»

Zozie 2:11

Kɛ e tili i sɔ nganniɛn'n, ayrɛ guali e wun. E kwlaa e wawɛ'n wanndili e wun. Nanwlɛ Anannganman amun Nyanmiɛn yɛ ɔ ti nglo lɔ nin asiɛ'n su wa Famiɛn nin-ɔn .

Zozie 2:9

nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.

1 Samiɛl 25:8

Sɛ ɔ waan m ´bua ato-ɔ usa, be ´kan kle wɔ. Nan i sɔ'n ti nian min gbanflɛn'm be nyrun. Nyanmiɛn sa, y'a to wɔ cɛn dilɛ cɛn nun, like kwlaa nga a nyɛn i'n, fa man be ɔ nin ɔ sufuɛ David.› »