Ɛstɛr 8:15 - NYANMIƐN NDƐ'N 1998

¹⁵ Kɛ Mardose ´fin famiɛn'n i awlo lɔ ´fite'n, famiɛn tralɛ o i wun. I bue ti ɔkwlɛ srosrowa yɛ i bue ti ufue. Tralɛ dan ng'ɔ o su'n ti ɔkwlɛ kankankan, lɛn tralɛ-ɔ. Sika ɔkwlɛ kle dan kun wlɛ i ti. Siz klɔ wunmuan'n kejeli sa yikiyikiyiki sran'm be ´kpan'n, wuun be ´si able afin be klun ti jɔwa.

Ɛstɛr 8:15 ပူးပေါင်းရင်းမြစ်များ

Bo Bolɛ 41:42

Famiɛn'n yili i sama ti nga'n ɔ fa wlali Zozɛf sa. Ɔ fali lɛn tralɛ kplɔkɔɔ fa wlɛli i wun. Ɔ wlɛli i njuaba .

Ɛstɛr 1:6

Be fali nyanman ufue-ufue nin ɔkwlɛ-ɔkwlɛ be fa wlawlali jɛtɛ ufue nga'm be nun, yɛ be fa minndali sua ja wie'm be wun. Sua ja sɔ'm be ti yɛbuɛ kpa. Be fali lɛn tannin tanmue ufue-ufue nin ble nzue-nzue be fa sende-sendeli nyanman sɔ'm be su. Be fali bia ndɛnndɛnndɛn wie mun sieli i sua'n nun. Bia sɔ'm be ti sika ɔkwlɛ nin jɛtɛ ufue. Be wlali sua sɔ'n nun karo fanunfanun, ɔkwlɛ o nun, ufue o nun, ble tritri o nun.

Ɛstɛr 10:2

Sa dandan nin yakpa sa nga famiɛn'n yoli'n, ɔ nin sa su dan ng'ɔ mannin Mardose'n, be klɛli be Medi nin Pɛrs famiɛn'm be fluwa'm be nun.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Ɛstɛr 5:11

Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Ɛstɛr 6:11

Yɛ Aman fali tralɛ'n nin nnɛn kpanngɔ nin-ɔn. Ɔ fali tralɛ'n wlali Mardose, ɔ fɛ i wlannin klɔ'n nun, ɔ dun mmua i nyrun yɛ ɔ kpan-an: «Sɛ famiɛn waan ɔ ´manman sran'n, kɛ ɔ yo i sa.»

Ɛstɛr 6:8

man be fa famiɛn'n i tralɛ ng'ɔ wla'n kun nin nnɛn kpanngɔ nga i bɔbɔ fu su'n blɛ sran sɔ'n. Man be fa famiɛn kle'n be wlɛ i nnɛn'n i ti.

Ɛstɛr 8:14

Kɛ famiɛn'n mannin atin cɛ'n, sran ng'ɔ sunmannin be'n be fuli awa i nnɛn kpanngɔ bɔ be wanndi kpa'n be su, be ɔli ndɛndɛ. Be kanngannin fluwa'n be kleli be nga be tran Siz b'ɔ ti famiɛn klɔ'n su lɛ mun'n kusu.

Nyanndra Mun 11:10

Kɛ klun-ufuefuɛ'm be di ye'n, ɔ ti klɔ wunmuan'n i aklunjuɛ. Klunwifuɛ'm be kusu kɛ be wu'n, srilɛ yɛ be sri be-ɔ.

Nyanndra Mun 28:12

Sɛ klun-ufuefuɛ mun yɛ be sie klɔ'n, kɔmin nga be nyɛn i'n ɔ ti sran kwlaa liɛ. Sanngɛ sɛ klunwifuɛ mun yɛ be o lɛ'n, sran'm be fia.

Nyanndra Mun 29:2

Kɛ sran kpa'm be sɔn'n, ɔ ti sran'm be cenjele like. Kɛ klunwifuɛ'n yɛ ɔ kwla'n, sran'm be koko.

Matthieu 11:8

An ko nian ndɛma bɔ aunngban keje i'n? ?Sɛ nán ndɛma'n, wuun nguɛ yɛ an ɔli i nianlɛ-ɔ? ?Sran b'ɔ wla tralɛ kpakpa-a? Sran nga be wla tralɛ kpakpa'n be o famiɛn'm be awlo.

Matthieu 6:29

Ɔ nin i sɔ'n ngba, an `nian, Salomɔn bɔbɔ ɔ nin i anyanbeun'n kwlaa ɔ'a kla-man be nun wafa kun i wunsu tannin le .

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.