Ɛstɛr 8:13 - NYANMIƐN NDƐ'N 1998

¹³ Be klɛli i kɛ akpasua'n kwlaa su man ndɛ sɔ'n kaci kɛ mmla sa. Be waan be `kɛnngɛn i sran'm be kwlaa be nyrun, nan kɛ cɛn nga be kleli'n ju'n Zuif'm b'a kwla tu be klunngbɔ be kpɔfuɛ'm be su.

Ɛstɛr 8:13 ပူးပေါင်းရင်းမြစ်များ

Ɛstɛr 3:14

Be klɛli be nun ekun kɛ be `fa fluwa sɔ mun be wɔ akpasua-akpasua kunngun kwlaa su nan man nvle'm be kwlaa be si sɔ nan be `siesie be wun minndɛ cɛn sɔ'n.

Ɛstɛr 8:14

Kɛ famiɛn'n mannin atin cɛ'n, sran ng'ɔ sunmannin be'n be fuli awa i nnɛn kpanngɔ bɔ be wanndi kpa'n be su, be ɔli ndɛndɛ. Be kanngannin fluwa'n be kleli be nga be tran Siz b'ɔ ti famiɛn klɔ'n su lɛ mun'n kusu.

Jue Mun 68:23

E Min'n waan: «N ´fa be Bazan lɔ m ´ba. N ´fa be jenvie'n bo lɔ m ´ba

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»

Jɔlɛ Difuɛ Mun 16:28

Samsɔn srɛli Anannganman seli kɛ: «Min Min, Anannganman, n ´srɛ wɔ. Man ɔ́ wla kpɛn mín su. Man min fanngan ndɛ ekun nan man n tu min klunngbɔ Filistifuɛ'm bé su, min nyinma nnyɔn bɔ be boli be'n ti.»