Ɛstɛr 8:11 - NYANMIƐN NDƐ'N 1998

¹¹ Be klɛli fluwa sɔ'n nun kɛ famiɛn'n ɔ'a man Zuif nga be o klɔ kunngun kwlaa be su'n be atin kɛ be yia nan be kpli bé ti. I waan mɛn nun akpasua'n kwlaa nin nvle'n kwlaa nun sran nga be fa alɛ kunlɛ ninnge kɛ be ´fa yo Zuif'm be like'n, sɛ be nyan be'n, be `kun be tɛ kpa, be nunnun be nin bé yi nin be mma mun, yɛ be `fɛn bé bo ninnge mun.

Ɛstɛr 8:11 ပူးပေါင်းရင်းမြစ်များ

Ɛstɛr 3:13

Be fali fluwa sɔ mun mannin sran wie mun kɛ be `fa wɔ famiɛn'n i siewlɛ'n i akpasua kunngun'm be su. Be klɛli be nun kɛ be `kun Zuif mun, be `nunnun be: i ba kanngan mun o, i kpɛnngbɛn mun o, i bla mun o, be ngba! Be waan anglo blu-nin-nnyɔn su bɔ yɛlɛ Adar anglo'n i le blu-nin-nsan'n su yɛ be ´yo sa sɔ nin-ɔn, yɛ be waan be ´fɛn Zuif'm bé bo ninnge mun.

Ɛstɛr 9:18

Siz lɔ Zuif'm be yiali, yɛ be tuli be klunngbɔ liɛ'n anglo'n i le blu le nsan nin i le blu le nnan'n su. Yɛ i le blu-nin-nnun su'n be deli wunmiɛn. Be fa wunmiɛn delɛ sɔ'n yoli bé cɛn dili yɛ be klun jɔli.

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Jue Mun 68:3

Man klunwifuɛ'm be tu Nyanmiɛn i wun lɛ kɛ sin wɛnsrɛn b'ɔ wie'n sa. Man be tu lɛ kɛ wɛma'm be sua bɔ sin'n ɔ'a kɛn i'n sa.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezekiɛl 39:10

Be su fa-man yie blo lɔ, be su kpɛ-man yie bo'n nun lɔ, afin alɛ ninnge'n yɛ be ´fa trɔ sin nin-ɔn. Be ´de be nga be deli be ninnge'n be liɛ mun. Be ´kuakua be nga be kuakuali be'n. Be ´fɛn be nga be fɛnnin bé bo ninnge'n bé bo ninnge liɛ'n.› » Anannganman Nyanmiɛn yɛ ɔ kan sɔ-ɔ.