Ɛstɛr 7:8 - NYANMIƐN NDƐ'N 1998

⁸ Kɛ famiɛn'n ´fin waka'm bé bo lɔ ´ba cɛn diwlɛ lɛ'n, ɔ ´nian-an, Aman yɛ ɔ o bia tɛnndɛn bɔ Ɛstɛr ti su'n su yɛ. Yɛ i waan: «?Nan min bɔbɔ mín nyin bo wa nin min sua nun wa yɛ a wa tɔ min yi'n gblu ekun-ɔn?» Kɛ famiɛn'n ´se sa'n, wuun i sran'm b'a kata Aman i ti lalaa.

Ɛstɛr 7:8 ပူးပေါင်းရင်းမြစ်များ

Ɛstɛr 1:5

I sin famiɛn'n flɛli Siz b'ɔ ti famiɛn klɔ'n i su lɛ sran wafa-wafa'n kwlaa, i anyanbeunfuɛ o, i yalɛfuɛ o. Cɛn dilɛ sɔ'n kusu dili i liɛ le nso. Be dili cɛn sɔ'n famiɛn'n i awlo'n nun waka'm bé bo.

Ɛstɛr 1:6

Be fali nyanman ufue-ufue nin ɔkwlɛ-ɔkwlɛ be fa wlawlali jɛtɛ ufue nga'm be nun, yɛ be fa minndali sua ja wie'm be wun. Sua ja sɔ'm be ti yɛbuɛ kpa. Be fali lɛn tannin tanmue ufue-ufue nin ble nzue-nzue be fa sende-sendeli nyanman sɔ'm be su. Be fali bia ndɛnndɛnndɛn wie mun sieli i sua'n nun. Bia sɔ'm be ti sika ɔkwlɛ nin jɛtɛ ufue. Be wlali sua sɔ'n nun karo fanunfanun, ɔkwlɛ o nun, ufue o nun, ble tritri o nun.

Ɛstɛr 6:12

Kɛ ɔ yoli sɔ'n, Mardose sɛli i sin ko trannin famiɛn'n i awlo'n i anuan'n nun lɔ. Aman kusu ɔli i awlo ndɛndɛ kpa ɔ nin i nyrun nyannzuɛn'n. Kɛ Aman ´kɔ'n, ɔ fali tannin kɛtɛli i ti.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Zɔb I Nyrɛnnɛn Wunlɛ 9:24

Sɛ sran nga be bu-man Nyanmiɛn like fi'n be nun wie kle mɛn kun nunfuɛ'm be yalɛ'n, Nyanmiɛn kata jɔlɛ difuɛ'm bé nyin. ?Afin sɛ nɛ́n i'n, wuun waan-an?

Ezai 22:17

Se i kɛ: «Nian, nja bian klanman, Anannganman wa finndin wɔ yi wɔ blo, yɛ ɔ ´fa wɔ wla like wie nun.

Ezai 49:23

Famiɛn'm be wa kaci amún si, yɛ bé yi'm be wa ta amun. Be ´koto yɛ be ´utu bé nyin ase amún bo, be ´tafitafi amun ja wun ndutre'n, yɛ amun wa wun i wlɛ jrɛiin kɛ min yɛ n ti Anannganman nin-ɔn. I liɛ'n, be nga be ´fa bé wla gua min su'n, nyannzuɛn su kun-man be.

Amɔs 3:12

Anannganman'n wan yoo: «Kɛ asɔmɔli tra bua kun'n, i nga bua kankanfuɛ'n kwla de i nuan nun'n, yɛlɛ bua'n i ja nnyɔn, wie kusu-ɔ i sukpɔ nnya'n i bue kan. Sa kunngba sɔ'n yɛ ɔ wa tɔ Izraɛlfuɛ nga be tran Samari'n be su-ɔ. Be bɔ be la bia ndɛnndɛn kpakpa'm be nun'n nin be bɔ be la bɛ fɔkunfɔkun'm be su'n, san be nun kaan sa yɛ be ´nyan bé ti-ɔ.»

Marc 14:65

Be wie'm be guɛli i wun ngɔsrɛ, be boli i zaga, be usɛli i kɛ: «?Wan yɛ ɔ boli wɔ-ɔ?» Yɛ sua sunianfuɛ'm be sɔli i bolɛ su-ɔ.