Ɛstɛr 7:7 - NYANMIƐN NDƐ'N 1998

⁷ Famiɛn'n fali ya dan kpa. Ɔ jasoli nzan'n su ɔli awlo'n nun waka'm bé bo lɔ. Aman wunnin kɛ famiɛn'n ɔ'a bu i kunlɛ akunndan, yɛ ɔ kɛli i yi Ɛstɛr wun lɛ kɛ ɔ ´srɛ i nan nán be kun i.

Ɛstɛr 7:7 ပူးပေါင်းရင်းမြစ်များ

Ɛstɛr 1:12

Bla'm be su nianfuɛ sɔ'm be ko kan kleli bla'n, sanngɛ bla'n waan ɔ ba-man, ɔ yoli famiɛn'n ya trali su, ɔ kpɛli i anwlɛn.

Ɛstɛr 1:5

I sin famiɛn'n flɛli Siz b'ɔ ti famiɛn klɔ'n i su lɛ sran wafa-wafa'n kwlaa, i anyanbeunfuɛ o, i yalɛfuɛ o. Cɛn dilɛ sɔ'n kusu dili i liɛ le nso. Be dili cɛn sɔ'n famiɛn'n i awlo'n nun waka'm bé bo.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Nyanndra Mun 14:19

Klunwifuɛ'm bé nyin gua ase sran kpa'm be nyrun, sran tɛ'm be tran sran kpa'm be anuan'm be nyrun.

Nyanndra Mun 14:35

Famiɛn'n ɔ yi i mantanfuɛ bɔ be si ngwlɛlɛ'n be ayɛ, sanngɛ ɔ fa ya be nga be yo-man sa kpa'n bé wun.

Nyanndra Mun 16:14

Sɛ famiɛn kun fa ya'n, ɔ kwla kun sran, sanngɛ sɛ ngwlɛlɛfuɛ'n ɔ kpɛtɛ i lele'n, ɔ yaci.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Ezai 60:14

Be nga be yoli wɔ tɛtɛ'n, be mma'm be ´ba ɔ nyrun, yɛ be ´kluklu bé ti'n, yɛ be kwlaa nga be yoli wɔ finfin'n, be ´koto ɔ́ bo, be ´flɛ wɔ kɛ Anannganman i Klɔ, be ´flɛ wɔ ekun kɛ Izraɛl Nyanmiɛn'n i Siɔn'n .

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .

1 Samiɛl 20:7

Sɛ a kɛn i sɔ nan i waan ɔ ti kpa'n, wuun like fi. Sɛ kusu a ´nian nan ɔ yo i ya ɔ bu i owie'n, wuun ɔ kle kɛ i waan ɔ ´kun min sakpa-sakpa.

1 Samiɛl 20:9

Zonatan waan: «Nán kɛn i sɔ man n ti. ?Sɛ m bɔbɔ n wun i kɛ mín si ɔ'a gugu kɛ ɔ ´kun wɔ'n, ɔ yo sɛ ti yɛ n su kan kle-man wɔ-ɔ?»

1 Samiɛl 25:17

I sɔ'n ti, bu akunndan nan nga a ´yo'n, yo. N si kɛ be su yaci cɛ-mɛn i ɔ nin i awlo'n, kusu i anwlɛn tɛ'n ti be kwla kan-man ndɛ kle-mɛn i.»