Ɛstɛr 6:9 - NYANMIƐN NDƐ'N 1998

⁹ Man be fa tralɛ'n nin nnɛn kpanngɔ'n be wla famiɛn'n i mantanfuɛ dan'n kun sa nun, nan ɔ fa tralɛ'n wla sran nga famiɛn waan ɔ ´mɛnmɛn i'n, nan man sran sɔ'n nga famiɛn'n waan ɔ mɛnmɛn i'n fu nnɛn kpanngɔ'n su. Man sran kun dun mmua i nyrun nan ɔ kpan kɛ: ‹Sɛ famiɛn'n waan ɔ ´manman sran'n, kɛ ɔ yo i sa.› »

Ɛstɛr 6:9 ပူးပေါင်းရင်းမြစ်များ

Bo Bolɛ 41:43

Ɔ fɛli i trannin kakaklolo ng'ɔ ti i mantanfuɛ'n i liɛ'n nun, be dun mmua i nyrun, be kpan kɛ: «Be `jaso atin'n nun, siefuɛ'n ba.» Zozɛf i sielɛ bɔ Ezipt famiɛn'n sie i Ezipt wunmuan'n su'n, kɛ ɔ yoli sa.

Ɛstɛr 6:10

Yɛ famiɛn'n seli Aman kɛ: «Kɔ ndɛndɛ ko fa tralɛ nin nnɛn kpanngɔ nga a kɛnnin i ndɛ'n nan yo nga a kannin'n man Zuif bian bɔ be flɛ i kɛ Mardose'n, b'ɔ ti famiɛn'n i awlo'n i anuan'n nun lɛ'n. Yo i kɛ a kannin'n sa cɛ, nán kpa wie fi su.»

Ɛstɛr 6:6

Aman wluli kan famiɛn'n wo lɔ'n. Famiɛn'n usɛli i kɛ: «?Sɛ famiɛn waan ɔ ´manman sran kun'n, nguɛ yɛ ɔ fata kɛ ɔ yo mɛn i-ɔ?» Aman seli i klun lɔ kɛ: «Nga, n si kɛ min cɛ yɛ famiɛn'n kan min manmanlɛ ndɛ lɛ-ɔ, nán sran uflɛ-ɔ.»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .