Ɛstɛr 6:6 - NYANMIƐN NDƐ'N 1998

⁶ Aman wluli kan famiɛn'n wo lɔ'n. Famiɛn'n usɛli i kɛ: «?Sɛ famiɛn waan ɔ ´manman sran kun'n, nguɛ yɛ ɔ fata kɛ ɔ yo mɛn i-ɔ?» Aman seli i klun lɔ kɛ: «Nga, n si kɛ min cɛ yɛ famiɛn'n kan min manmanlɛ ndɛ lɛ-ɔ, nán sran uflɛ-ɔ.»

Ɛstɛr 6:6 ပူးပေါင်းရင်းမြစ်များ

Ɛstɛr 1:15

Famiɛn'n usali be kɛ: «?Kɛ e nian e mmla'n sa'n, nguɛ sa yɛ ɔ fata kɛ e fa yo bla yɛ nin-ɔn? Afin m bɔbɔ min famiɛn'n min yi sa'n, n sunmannin sran kɛ be ko se i kɛ ɔ bla'n, kpɛkuun ɔ'a bu-man min sran, ɔ'a ba-man.»

Ɛstɛr 5:11

Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Ɛstɛr 6:11

Yɛ Aman fali tralɛ'n nin nnɛn kpanngɔ nin-ɔn. Ɔ fali tralɛ'n wlali Mardose, ɔ fɛ i wlannin klɔ'n nun, ɔ dun mmua i nyrun yɛ ɔ kpan-an: «Sɛ famiɛn waan ɔ ´manman sran'n, kɛ ɔ yo i sa.»

Ɛstɛr 6:5

Famiɛn i sran'm be waan: «Aman yɛ ɔ o awlo lɛ-ɔ.» Yɛ famiɛn'n waan: «Be `se i kɛ ɔ wlu wa.»

Ɛstɛr 6:7

Yɛ Aman tɛli i su kɛ: «Sɛ famiɛn'n waan ɔ ´manman sran kun'n,

Ɛstɛr 6:9

Man be fa tralɛ'n nin nnɛn kpanngɔ'n be wla famiɛn'n i mantanfuɛ dan'n kun sa nun, nan ɔ fa tralɛ'n wla sran nga famiɛn waan ɔ ´mɛnmɛn i'n, nan man sran sɔ'n nga famiɛn'n waan ɔ mɛnmɛn i'n fu nnɛn kpanngɔ'n su. Man sran kun dun mmua i nyrun nan ɔ kpan kɛ: ‹Sɛ famiɛn'n waan ɔ ´manman sran'n, kɛ ɔ yo i sa.› »

Jue Mun 35:27

Sanngɛ be bɔ be yra be nuan kɛ min ndɛ `yo fɛ'n, man be bo sro, yɛ man be klun jɔ. Yɛ man blɛ'n kwlakwla be kan kɛ: «Anannganman ti dan, ɔ klo kɛ i sufuɛ'n i wun jɔ i.»

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 16:18

Bé nuan dilɛ'n yi be ase. Wun tulɛ'n kusu i sin sa'n yɛlɛ awieliɛ b'ɔ wie be'n.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 30:13

Sran'n wie o lɛ'n, ɔ yo-mɛn i wun kpakpa ngowa. Sran fi ti-man sran i nyrun.

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Abdias 1:3

Ɔ wun tulɛ dan'n ti w'a mlin yɛ a o lɛ-ɔ. A o yɛbuɛ-yɛbuɛ'm be afiɛn lɔ, ɔ klɔ'n wo nglo lɔ fleiin'n, i ti a se ɔ wun kɛ yoo: ‹?Kɛ wan sa cɛ yɛ ɔ kwla tu mín bo wa-a?›

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

JÉSUS-CHRIST I DYASIN FE'N BO LUC KLELI'N 14:9

sran ng'ɔ flɛli amun nnyɔn'n, ɔ'a se-man wɔ kɛ jao ɔ bia liɛ'n su mɛn i'n ti. Kɛ a ´jao ko tran siɛn lɔ bia liɛ'n su'n, nyannzuɛn ´kun wɔ.

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.