Ɛstɛr 6:4 - NYANMIƐN NDƐ'N 1998

⁴ Yɛ famiɛn'n usali kɛ: «?Min afɔtuɛ manfuɛ'm be nun kun wo awlo wa?» Kɛ ɔ ´yo sɔ'n, wuun Aman ɔ'a ba famiɛn'n i awlo nga be dun mmua fite su'n nun lɛ. Ɔ bali kɛ ɔ ´wa se famiɛn'n nan ɔ `fa Mardose mɛn i nan ɔ ko bo i kɔmin waka ng'ɔ yoli man be kplannin'n su.

Ɛstɛr 6:4 ပူးပေါင်းရင်းမြစ်များ

Ɛstɛr 4:11

«Sran'm be kwlaa, i famiɛn'n i sran mun o, i siewlɛ'n i akpasua'm be su sran mun o, be si mmla'n. Be si kɛ sran kwlaa, i bla o, i yasua o, sran kwlaa nga b'a flɛ-mɛn i b'ɔ wlu famiɛn i awlo'n klun lɔ'n, i sɔ sran liɛ'n be kun i. Sɛ a wun kɛ ɔ ´fite nun'n, wuun famiɛn'n ɔ'a fɛ i sika ɔkwlɛ kpɔnman'n ɔ'a tinngɛ i nyrun. N kusu, n cɛn ba ablasan yɛ, be nian flɛ-man min kɛ n wlu famiɛn'n sin lɔ.»

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Ɛstɛr 5:14

Yɛ i yi Zeres nin i janvuɛ'm be seli i kɛ: «Man be kplan kɔmin bolɛ waka kun. Man i nglo-nglo'n ju mɛtri ablaɔn-nin-nnun nan ainman ko se famiɛn'n man be bo Mardose kɔmin. I liɛ'n, kɛ a nin famiɛn'n be ´kɔ cɛn dilɛ'n, ɔ klun ´jɔ klanman.» Ndɛ sɔ'n yoli Aman fɛ. Ɔ man be kplannin kɔmin bolɛ waka'n.

Ɛstɛr 6:3

Yɛ famiɛn'n usali kɛ: «?Kɛ ɔ yoli sɔ'n, be manmannin Mardose wafa sɛ? ?Nguɛ sa su yɛ be mɛnnin i-ɔ?» I junman difuɛ'n be waan: «B'a mɛn-mɛn i like fi.»

Ɛstɛr 6:5

Famiɛn i sran'm be waan: «Aman yɛ ɔ o awlo lɛ-ɔ.» Yɛ famiɛn'n waan: «Be `se i kɛ ɔ wlu wa.»

Ɛstɛr 7:9

Yɛ Arbɔna b'ɔ ti famiɛn i sran'm be nun kun'n waan: «Mardose b'ɔ deli famiɛn'n, i kɔmin bowlɛ nga Aman kplannin'n wo Aman bɔbɔ i awlo'n nun lɔ. I nglo-nglo su'n ti mɛtri ablaɔn-nin-nnun.» Yɛ famiɛn'n waan: «Amun `ko bo i kɔmin waka sɔ'n su.»

Zɔb I Nyrɛnnɛn Wunlɛ 5:13

Ngwlɛlɛfuɛ'm be bɔbɔ be gblɛ nga be kpɛ'n, yɛ ɔ fa tra be-ɔ. Kpɛkuun sa nga be cici kɛ be ´yo'n ɔ yo-man ye.

Jue Mun 2:4

Kɛ be kɛn i sɔ'n, ɔ kle Anannganman i srilɛ. Ɔ o nyanmiɛn su lɔ ɔ to be mma.

Jue Mun 33:19

Ɔ de be wie'n i sa nun, ɔ yo man kannzɛ awe'n kpɛn sɛ, sanngɛ be ka nguan nun.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.