Ɛstɛr 6:10 - NYANMIƐN NDƐ'N 1998

¹⁰ Yɛ famiɛn'n seli Aman kɛ: «Kɔ ndɛndɛ ko fa tralɛ nin nnɛn kpanngɔ nga a kɛnnin i ndɛ'n nan yo nga a kannin'n man Zuif bian bɔ be flɛ i kɛ Mardose'n, b'ɔ ti famiɛn'n i awlo'n i anuan'n nun lɛ'n. Yo i kɛ a kannin'n sa cɛ, nán kpa wie fi su.»

Ɛstɛr 6:10 ပူးပေါင်းရင်းမြစ်များ

2 Famiɛn Mun 10:10

Amun `nian, ndɛ nga Anannganman kannin be Akab i osu nunfuɛ'm bé wun'n, ba kun sa su ka-man. Ndɛ nga Anannganman fa wlali Eli nuan kɛ ɔ kan'n, ɔ'a yiɛ i kwlaa nuan.»

Ɛstɛr 6:11

Yɛ Aman fali tralɛ'n nin nnɛn kpanngɔ nin-ɔn. Ɔ fali tralɛ'n wlali Mardose, ɔ fɛ i wlannin klɔ'n nun, ɔ dun mmua i nyrun yɛ ɔ kpan-an: «Sɛ famiɛn waan ɔ ´manman sran'n, kɛ ɔ yo i sa.»

Ɛstɛr 6:9

Man be fa tralɛ'n nin nnɛn kpanngɔ'n be wla famiɛn'n i mantanfuɛ dan'n kun sa nun, nan ɔ fa tralɛ'n wla sran nga famiɛn waan ɔ ´mɛnmɛn i'n, nan man sran sɔ'n nga famiɛn'n waan ɔ mɛnmɛn i'n fu nnɛn kpanngɔ'n su. Man sran kun dun mmua i nyrun nan ɔ kpan kɛ: ‹Sɛ famiɛn'n waan ɔ ´manman sran'n, kɛ ɔ yo i sa.› »

Jue Mun 31:24

Nyanmiɛn sufuɛ nanwlɛfuɛ mun, amun `klo Anannganman! Afin Anannganman nian be bɔ be lafi i su'n be su, sanngɛ tutrefuɛ mun'n, ɔ man be tutre i nuan akatua lele kpe nun.

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Sa nglô yile 18:7

Tutre nin mɛn ng'ɔ dili'n, an `fɛ i wunsu nyrɛnnɛn'n kle i, man ɔ wun i nyin su! Afin ɔ se kɛ: ‹N su di famiɛn, n ti-man angboti, n su yo-man sɛnvuɛ le.›