Ɛstɛr 6:1 - NYANMIƐN NDƐ'N 1998

¹ Kɔnguɛ sɔ nun'n, famiɛn'n lafi-ɔ, ɔ yo-man ye. Kpɛkuun i waan be fa wla kpɛnlɛ fluwa'n bɔ yɛlɛ mɛn'n i sielɛ fluwa nga be klɛ sa dandan nga be ju i famiɛn diwlɛ'n nun'n be nun'n be blɛ i. Be fa bali nan b'a kanngan nun b'a kle i.

Ɛstɛr 6:1 ပူးပေါင်းရင်းမြစ်များ

Bo Bolɛ 22:14

Abraam tɔnnin lika sɔ'n i dunman kɛ: «Anannganman bɔbɔ ´man.» I ti yɛ lele ndɛ nin ndɛ be ´kan ndɛ-ɔ, be se kɛ: «Oka'n su lɔ'n e Min'n bɔbɔ ´man» nin-ɔn.

Ɛstɛr 10:2

Sa dandan nin yakpa sa nga famiɛn'n yoli'n, ɔ nin sa su dan ng'ɔ mannin Mardose'n, be klɛli be Medi nin Pɛrs famiɛn'm be fluwa'm be nun.

Ɛstɛr 2:21

Le kun Mardose o i junman'n su lɛ, kpɛkuun famiɛn'n i sua'm be su nianfuɛ nnyɔn bɔ be flɛ kun Bigtan yɛ be flɛ kun Terɛs bɔ be fali famiɛn'n i wun ya'n, be buli i kunlɛ akunndan.

Ɛstɛr 2:22

Kpɛkuun Mardose ɔ'a ti, yɛ ɔ kan kleli famiɛn i yi Ɛstɛr nan Ɛstɛr kusu ɔ'a kan kle famiɛn'n ɔ'a man Mardose.

Ɛstɛr 2:23

Kɛ be usa-usali'n, be wunnin kɛ ndɛ sɔ'n ti nanwlɛ, nan b'a bo sran nnyɔn sɔ'm be kɔmin. Famiɛn'n man be klɛli sa sɔ'n mɛn'n i sielɛ fluwa'n nun.

Ɛstɛr 5:8

nannan, sɛ a wun min aunnvuɛ'n nan like nga n ´srɛ wɔ a ´man min'n, wuun ainman n ´tɔn like ekun. A nin Aman amun bla, n wa kan ndɛ sɔ'n kle wɔ.»

Ezai 41:17

Yalɛfuɛ mun nin nyrɛnnɛnfuɛ'm be kunndɛ nzue, sanngɛ be nyan-man wie. Nzue we'n ti be konviabo ɔ'a wu kee. M bɔbɔ min Anannganman n wa tɛ be srɛlɛ'n su. M bɔbɔ min bɔ n ti Izraɛl Nyanmiɛn'n, n su kpɔci-man be.

Daniɛl 2:1

Kɛ Nɛbikadnɛzar wa trannin bia'n su'n i afuɛ nnyɔn su'n, ɔ cɛnnin laliɛ wie mun. I wla b'ɔ boli i wun'n ti, kɛ ɔ la sa'n, ɔ kwla bu-mɛn i nyinma.

Daniɛl 6:18

Be fali yɛbuɛ kun be katali kunman i nuan'n su, famiɛn'n ɔ fɛli i sa nuan'n sieli su . I sran dandan'm be yoli i sɔ wie. Kɛ ɔ ko yo nan sran wie ɔ'a sin-man lɛ ɔ'a yi-man Daniɛl'n annzɛ ɔ'a kun-mɛn i'n, i ti yɛ be yoli i sɔ-ɔ.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?