Ɛstɛr 5:14 - NYANMIƐN NDƐ'N 1998

¹⁴ Yɛ i yi Zeres nin i janvuɛ'm be seli i kɛ: «Man be kplan kɔmin bolɛ waka kun. Man i nglo-nglo'n ju mɛtri ablaɔn-nin-nnun nan ainman ko se famiɛn'n man be bo Mardose kɔmin. I liɛ'n, kɛ a nin famiɛn'n be ´kɔ cɛn dilɛ'n, ɔ klun ´jɔ klanman.» Ndɛ sɔ'n yoli Aman fɛ. Ɔ man be kplannin kɔmin bolɛ waka'n.

Ɛstɛr 5:14 ပူးပေါင်းရင်းမြစ်များ

2 Samiɛl 16:21

Asitɔfɛl seli Absalɔm kɛ: «A nin ɔ́ si i soman ng'ɔ yacili be wa kɛ be nian sua'n su'n be `ko la. Kɛ a wɔ ɔ́ si i safle sɔ'n, bɔ Izraɛlfuɛ'm be ti'n, ɔ ´wla ɔ sinfuɛ'm be fanngan.»

1 Famiɛn Mun 21:25

Nanwlɛ, be nian wun-man sran kɛ Akab sa le bɔ i waan san like ng'ɔ kun Nyanmiɛn i ya'n i cɛ yɛ i waan ɔ ´yo-ɔ! I yi Zezabɛl yɛ ɔ wlɛwlɛli i kɛ ɔ yo sa tɛ sɔ nin-ɔn.

1 Famiɛn Mun 21:7

Zezabɛl seli i kɛ: «A yo sa-a, ɔ waan nán wɔ yɛ a ti Izraɛl famiɛn nin-ɔn. Titi ɔ nyrun, jaso nan di like. Min bɔbɔ n ´fa Nabɔt b'ɔ ti Zizreɛlfuɛ'n i vinyi fie'n m ´man wɔ.»

Ɛstɛr 6:4

Yɛ famiɛn'n usali kɛ: «?Min afɔtuɛ manfuɛ'm be nun kun wo awlo wa?» Kɛ ɔ ´yo sɔ'n, wuun Aman ɔ'a ba famiɛn'n i awlo nga be dun mmua fite su'n nun lɛ. Ɔ bali kɛ ɔ ´wa se famiɛn'n nan ɔ `fa Mardose mɛn i nan ɔ ko bo i kɔmin waka ng'ɔ yoli man be kplannin'n su.

Jue Mun 37:14

Klunwifuɛ'm be cuɛn be tokofi'n, yɛ be to be ta'n yalɛfuɛ'n nin nyrɛnnɛnfuɛ'm bé wun. Be waan be ´kun be nga be ti sran kpa'n mun.

Jue Mun 37:32

Klunwifuɛ'n ɔ di sran kpa'n i sasa bu. Ɔ kunndɛ kɛ ɔ ´kun i.

Jue Mun 9:15

Yɛ n ´kan like fanunfanun nga a yo mannin min'n i kwlaa. N ´kan be sran'm be afiɛn Siɔn wa. Kpɛkuun n ´di delɛ nga a deli min'n i ti aklunjuɛ.

Nyanndra Mun 1:18

Be sua be bɔbɔ bé wun aya.

Nyanndra Mun 4:16

Afin sɛ be nian yo-man sa tɛ'n, be nian lafi-man. Sɛ be nian yo-man sran sa'n, lafilɛ sa ɔ kun-man be.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 3:15

Kɛ be ti sran kunlɛ ngan'n, be jran-an ɔ jran-man.

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.