Ɛstɛr 5:11 - NYANMIƐN NDƐ'N 1998

¹¹ Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Ɛstɛr 5:11 ပူးပေါင်းရင်းမြစ်များ

Bo Bolɛ 31:1

Zakɔb tili i kɛ Laban i mma'm be waan: «Zakɔb fali é si i ninnge'm be kwlakwla yɛ ɔ fa nyannin i wun lɛ-ɔ.»

Ɛstɛr 1:4

Ɔ fɛli i famiɛn ninnge kpakpa nin ninnge nglanman-nglanman mun kleli be. Ɔ man be wunnin kɛ i sielɛ'n ti sielɛ kun b'ɔ lɛ nyrun. Cɛn dilɛ sɔ'n dili sra nsiɛn.

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ɛstɛr 8:15

Kɛ Mardose ´fin famiɛn'n i awlo lɔ ´fite'n, famiɛn tralɛ o i wun. I bue ti ɔkwlɛ srosrowa yɛ i bue ti ufue. Tralɛ dan ng'ɔ o su'n ti ɔkwlɛ kankankan, lɛn tralɛ-ɔ. Sika ɔkwlɛ kle dan kun wlɛ i ti. Siz klɔ wunmuan'n kejeli sa yikiyikiyiki sran'm be ´kpan'n, wuun be ´si able afin be klun ti jɔwa.

Jue Mun 49:6

?Sɛ nyrɛnnɛn blɛ'n ju'n, sɛ min kpɔfuɛ'm be cɛncɛn min'n, nguɛ ti yɛ man srɛ ko kun min-ɔn?

Jue Mun 49:7

Ninnge kpanngban bɔ min kpɔfuɛ sɔ'm be lɛ i'n i su yɛ be lafi-ɔ, be fa be anyanbeun'n be fa di bé nuan.

Jue Mun 52:9

«Sran b'ɔ talo-man Nyanmiɛn'n, b'ɔ fɛ i wla'n guɛ i anyanbeun dan'n nin gblɛ b'ɔ si i kpɛ'n su'n, niɛn i yolɛ bɔ ɔ'a yo'n yɛ.»

Ezai 10:8

Afin be se kɛ: «?E famiɛn i awlo lɔ sran dandan'm be nin famiɛn'm be sɛ-man?

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Marc 10:24

I ndɛ sɔ'n boli i sɔnnzɔnfuɛ'm bé nuan dan kpa. Yɛ ɔ seli be ekun kɛ: «M mma mun, kɛ sran kun b'ɔ fɛ i wla guɛ i anyanbeun'n su'n ɔ `fɛ i wun man Nyanmiɛn kɛ ɔ sie i'n, ɔ ti kekle!

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.