Ɛstɛr 4:4 - NYANMIƐN NDƐ'N 1998

⁴ Ɛstɛr i afanniɛn bla nin i yasua nga be sali be bɔ be niɛn i su'n be wa kannin ndɛ sɔ'n kleli i. Srɛ kunnin Ɛstɛr kpa. Ɔ fali tralɛ kɛ be fa ko man Mardose nan ɔ kpa bajɛ b'ɔ o i wun'n gua. Mardose ɔ'a kplin-man su.

Ɛstɛr 4:4 ပူးပေါင်းရင်းမြစ်များ

Bo Bolɛ 37:35

I mma'm be kwlakwla be sɔli i kpatalɛ lele ngbɛn. I waan: «N ´sun lele san n ´to i blɔlɔ lɔ.» Ɔ man ɔ'a yaci-mɛn i sunlɛ le.

2 Famiɛn Mun 9:32

Zei mɛnnin i ti'n su niannin fenɛtri'n nun lɔ. Ɔ usɛli i kɛ: «?Amun nun onin yɛ ɔ o mín sin-ɔn? ?Wan-an?» Kɛ ɔ ´yo sɔ'n, wuun famiɛn'n i awlo'n nun sran kpakpa wie'm be jinjin fenɛtri'n nun lɔ be ´nian. Be ti nnyɔn annzɛ nsan.

Ɛstɛr 1:12

Bla'm be su nianfuɛ sɔ'm be ko kan kleli bla'n, sanngɛ bla'n waan ɔ ba-man, ɔ yoli famiɛn'n ya trali su, ɔ kpɛli i anwlɛn.

Ɛstɛr 4:3

Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Ɛstɛr 4:5

Yɛ Ɛstɛr flɛli Atak-ɔ. Yasua nga be sali be bɔ famiɛn'n sieli be kɛ be nian Ɛstɛr su, be nun kun-ɔn. Ɔ sunmɛnnin i Mardose sin kɛ ɔ ko usɛ sa ng'ɔ juli bɔ i ti yɛ ɔ yo sɔ'n.

Jue Mun 77:2

M ´man min nɛn'n su nan ɔ ´to Nyanmiɛn'n lɔ. M ´man min aniɛn'n su nan ɔ to Nyanmiɛn'n lɔ nan ɔ sie i su.

Ezai 56:3

Nán aofuɛ b'ɔ fɛ i wun mantan Anannganman'n ɔ se kɛ: «Kannzɛ ɔ yo sɛ, Anannganman ɔ ´yi min i sran'm be nun!» Nán sran'n bɔ be sɛli i'n ɔ se kɛ: «N liɛ waka kee yɛlɛ min!»

Zeremi 31:15

Anannganman'n wan yoo: «Kpanlɛ nin sunlɛ, ɔ nin awuyomo tɛ Rama lɔ. Rasɛl yɛ ɔ su sun i mma mun-ɔn. Ɔ kpli-man su kɛ be kpɛtɛ i, yɛlɛ kɛ i mma'm be nun-man lɛ kun .»

Sa nga bé yôli'n 8:27

Ɔ jao ɔli, ɔ ´nian-an, Etiopi bian saliɛ kun b'ɔ ti Kandas, Etiopi famiɛn bla'n i sran dan'n b'ɔ niɛn i ninnge kpakpa'm be su'n yɛ. Ɔ bali Zerizalɛm Nyanmiɛn sɔlɛ.

1 Samiɛl 8:15

Ɔ ´de amun fie'm bé su ninnge'm be blusu'n, ɔ ´fa mɛn i sufuɛ wie mun ekun.