Ɛstɛr 4:3 - NYANMIƐN NDƐ'N 1998

³ Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Ɛstɛr 4:3 ပူးပေါင်းရင်းမြစ်များ

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Ɛstɛr 3:12

Anglo klikli'n i le blu-nin-nsan su'n, be flɛli famiɛn'n i fluwa klɛfuɛ mun nan b'a nian ndɛ nga Aman kannin'n su b'a klɛ fluwa b'a ko man famiɛn i ja nunfuɛ mun nin akpasua'm be su siefuɛ mun, ɔ nin nvle'm be su kpɛnngbɛn mun. Fluwa sɔ mun'n, be niannin akpasua'm be fluwa klɛlɛ wafa'm be su yɛ be klɛli be-ɔ, yɛ be niannin nvle'm be kwlaa be aniɛn'm be su yɛ be klɛli be-ɔ. Fluwa sɔ'n, famiɛn Asieris dunman nun yɛ be klɛli be-ɔ, yɛ i nga'n i nzɔliɛ'n wo su.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ɛstɛr 4:2

Ɔ sunnin sɔ lele juli famiɛn'n i awlo'n i anuan'n bɔ be fa-man bajɛ tralɛ wlu-man lɔ'n nun.

Ɛstɛr 4:4

Ɛstɛr i afanniɛn bla nin i yasua nga be sali be bɔ be niɛn i su'n be wa kannin ndɛ sɔ'n kleli i. Srɛ kunnin Ɛstɛr kpa. Ɔ fali tralɛ kɛ be fa ko man Mardose nan ɔ kpa bajɛ b'ɔ o i wun'n gua. Mardose ɔ'a kplin-man su.

Ɛstɛr 9:31

Fluwa sɔ'm be nun'n, be klɛli i ekun kɛ cɛn nga Ɛstɛr nin Mardose be sieli'n i nun yɛ be `di cɛn nin-ɔn. Be nin be osu'n nunfuɛ mun be `di i kɛ be sieli'n sa nan be `ci nglɛmun yɛ be `sun.

Zɔb I Nyrɛnnɛn Wunlɛ 2:8

I sɔ'n ti Zɔb fa talie bue yɛ ɔ fa fuɛnfuɛn i wun-ɔn. Yɛ ɔ ti nzuɛn'n nun.

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Ezai 58:5

?Nglɛmun cilɛ nga n klo i'n, bɔ be ci i cɛn nga be kan bé wun ase'n i nun'n, yɛlɛ ng'ɔ o lɛ'n? ?Bé ti bɔ be klu i kɛ ndɛ mma sa'n, bajɛ su bɔ be la'n, nzuɛn nun bɔ be la'n, i sɔ'n yɛ amun flɛ i kɛ amun su ci nglɛmun cɛn kun b'ɔ jɔ Anannganman i klun'n i nun nin-ɔn?

Ezekiɛl 27:30

Be ´bo wɔ su awuyomo. Be ´kpan, be kɔnviabo ´bo be kpɔlɛ. Be ´fa ndutre be gua bé ti'n su. Be ´la kondo nzuɛn'n nun.

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Zonas 3:6

Kɛ famiɛn'n tili ndɛ sɔ'n, ɔ jasoli i famiɛn bia'n su, ɔ yili i tralɛ'n, ɔ wlali bajɛ tralɛ yɛ ɔ trannin nzuɛn nun.

Matthieu 13:42

be gua be sin dan kpa'n nun, lɔ yɛ be ´sun be ´di be je nin-ɔn.

Matthieu 22:13

Bian sɔ'n ɔ'a uke-mɛn i nuan. Yɛ famiɛn'n seli i minniɛn'm be kɛ: ‹An `ci i sa nin i ja'n nan an `yi i guasu lɔ aosin nun bɔ lɔ yɛ be sun be di be je'n.»

Matthieu 25:30

Yɛ n sran b'ɔ o yɛ'n b'ɔ lɛ-man nyanko'n, an `fɛ yi guasu lɔ aosin'n nun kan be sun be di bé je lɔ'n.› »

Zozie 7:6

Zozie nin Izraɛl kpɛnngbɛn'm be titili be wun tralɛ'm be nun, be fali ndutre guali be ti'n su yɛ be kotoli, be utuli bé nyin ase Anannganman i alaka'n nyrun lele nnɔsua, bé wla b'ɔ boli'n ti.

1 Samiɛl 11:4

Be nga be sunmannin be'n be juli Gibea b'ɔ ti Sail i klɔ'n nun lɔ. Be kannin ndɛ sɔ'n. Kɛ klɔ'n sufuɛ'm be tili'n, be tikeli be ti be sunnin.