Ɛstɛr 4:16 - NYANMIƐN NDƐ'N 1998

¹⁶ «Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ɛstɛr 4:16 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Bo Bolɛ 43:14

Man Nyanmiɛn b'ɔ kwla like kwlaa yo'n, ɔ `lualua bian sɔ'n nan ɔ `si amun aunnvuɛ ɔ yaci amun niaan'n Simeɔn nin Bɛnzamɛn be nun nan be nin amun bla. N liɛ, min mma'm be yaci-man mín sa filɛ le, n lɛ-man ndɛ.»

2 Samiɛl 10:12

Jran kekle. E `fa yakpa e `kun alɛ'n e `man e nvle'n ɔ nin e Nyanmiɛn'n i klɔ mun! Man Anannganman i klun sa'n yo!»

2 Famiɛn Mun 7:4

Sɛ e waan e ´wlu klɔ'n nun lɔ'n, awe'n ´kun ye. Sɛ kusu e waan man e tran wa'n, e ´wu. I ti, man e wɔ Sirifuɛ'm be nanmue'n nun lɔ. Man e ko fa e wun e man be. Sɛ b'a kun-man ye-ɔ, e ´nyan nguan, sɛ kusu be kun ye-ɔ, wuun yɛ ɔ ti i-ɔ.»

2 Be Nyoliɛ 20:3

Srɛ b'ɔ kunnin Zozafat dan'n ti, i waan ɔ ko wun Anannganman wun, i ti i waan be `kpɛ srɛ nun Zida nvle wunmuan'n nun.

Ɛsdras 8:21

Aava nzue ba nuan lɛ'n, n yoli man e kpɛli srɛ nun. E kannin é wun ase e Nyanmiɛn'n i nyrun. Yɛ e srɛli i kɛ ɔ yo nan ye ajalɛ tulɛ nun'n, nán sa fi ju e nin e mma nin e ninnge'm be su.

Ɛstɛr 4:15

Yɛ Ɛstɛr toli Mardose i ngaliɛ kɛ:

Ɛstɛr 4:17

Mardose ɔli ko yoli like nga Ɛstɛr waan ɔ yo'n i kwlaa kpan.

Ɛstɛr 4:3

Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Ɛstɛr 9:31

Fluwa sɔ'm be nun'n, be klɛli i ekun kɛ cɛn nga Ɛstɛr nin Mardose be sieli'n i nun yɛ be `di cɛn nin-ɔn. Be nin be osu'n nunfuɛ mun be `di i kɛ be sieli'n sa nan be `ci nglɛmun yɛ be `sun.

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Zeremi 36:9

Kɛ ɔ ´yo sɔ'n, wuun Zozias b'ɔ ti Zida famiɛn i wa Zozakim i sielɛ'n afuɛ nnun'n nin anglo ngwlan ɔ'a ju'n, wuun b'a yiayia Zerizalɛmfuɛ mun nin Zidafuɛ mun kɛ be bla Zerizalɛm be wa ci nglɛmun Anannganman'n nyrun.

Daniɛl 2:18

Ɔ seli be kɛ be `srɛ Nyanmiɛn b'ɔ o nglo lɔ b'ɔ ti aklunyefuɛ'n, nan ɔ `yi nvialiɛ nun sa sɔ'n i nglo `kle be kɛ ɔ ´yo nan b'a kun-man be nin Babilɔni lɔ sa sifuɛ mun'n ti.

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

JÉSUS-CHRIST I DYASIN FE'N BO LUC KLELI'N 9:24

Afin sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min ti'n, sran sɔ'n ɔ sɛsɛ i nguan'n sakpa.

Jean 19:22

Yɛ Pilat seli be kɛ: «Nga n ko klɛ'n yɛ m'an klɛ i lɛ.»

Sa nga bé yôli'n 10:7

Kɛ anz'n b'ɔ kan ndɛ kleli Kɔrnɛyi'n wɔli'n, ɔ flɛli i sran'm be nun nnyɔn yɛ i sonja bɔ be mɛntɛn i'n be nun kun b'ɔ sro Nyanmiɛn'n.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 21:13

Yɛ Pɔl seli be kɛ: «?Nguɛ ti yɛ an sun man min wun yo nin nyɛiin sɔ-ɔ? N si sɔ, nán kɛ cilɛ ngunmin yɛ be ´ci min-ɔn, sanngɛ sɛ be kun min bɔbɔ e Min Jésus ti Zerizalɛm lɔ'n, ɔ ti-man sa.»

Sa nga bé yôli'n 27:33

Kɛ e ´minndɛ kɛ aliɛ cɛn'n, Pɔl srɛli sran'm be kwlaa kɛ be di like, ɔ seli be kɛ: «Kɛ an minndɛ kɛ amun ´wun sa sɔ'n i agualiɛ'n, i le blu le nnan yɛ an di-man like.

Sa nga bé yôli'n 9:9

Ɔ dili le nsan ɔ wun-man ase, ɔ di-man like, ɔ nɔnman nzue.

Rɔmfuɛ Mun 16:4

N ti be fa bé wun mannin wie'n, i sɔ'n ti'n, n ´la be ase, yɛ be nga be ti-man Zuif bɔ be ti asɔnunfuɛ'n be kwlaa be ´la be ase wie.

Filipfuɛ Mun 2:30

afin Krist junman'n ti yɛ ɔ wa de wu nin-ɔn. Ɔ fɛ i wun mannin wie'n kɛ ɔ ´di junman nga amu'an nyan-man amún ti a di-man b'a man-man min'n.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

1 Samiɛl 19:5

Ɔ klɛnnin i wun mannin wie'n yɛ ɔ kunnin Filistifuɛ mun-ɔn. Kɛ ɔ yoli sɔ'n kusu Anannganman deli Izraɛl nvle'n. Ɔ bɔbɔ a wunnin i, ɔ yoli wɔ fɛ. David ɔ'a yo-man sa tɛ. ?Ɔ yo sɛ ti yɛ ɔ waan a ´kun i-ɔ?»