Ɛstɛr 4:14 - NYANMIƐN NDƐ'N 1998

¹⁴ Sɛ ɔ waan a ko wun-man famiɛn'n wun'n, Zuif'm bé delɛ'n ´fin lika uflɛ ´ba. Be ´fite nun, sanngɛ a nin ɔ́ si i akpasua liɛ'n, amun ´wu. ?I kpa'n, sɛ sa nga ti yɛ man a kacili famiɛn i yi nin a o, e wun i wlɛ sɛ?»

Ɛstɛr 4:14 ပူးပေါင်းရင်းမြစ်များ

Bo Bolɛ 22:14

Abraam tɔnnin lika sɔ'n i dunman kɛ: «Anannganman bɔbɔ ´man.» I ti yɛ lele ndɛ nin ndɛ be ´kan ndɛ-ɔ, be se kɛ: «Oka'n su lɔ'n e Min'n bɔbɔ ´man» nin-ɔn.

2 Famiɛn Mun 13:5

Ɔ mannin Izraɛlfuɛ'm be defuɛ kun. Ɔ man Izraɛlfuɛ'm be nyannin be ti Sirifuɛ'm bé sa nun, nan b'a tran be tannin sua'm be nun kɛ laa'n sa.

2 Famiɛn Mun 19:3

Be ko seli i kɛ: «Ezekias waan e se wɔ kɛ: ‹Ndɛ cɛn'n ti awlaboɛ nin fɔ tulɛ, ɔ nin nyannzuɛn cɛn. Ɔ ti kɛ ba bɔ b'a sie wulɛ, bɔ sanngɛ fanngan nga be ko fa ko wu be'n nun-man lɛ'n sa.

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Neemi 6:11

N tɛli i su kɛ: «N ti-man sran nyrun wanndifuɛ. ?Sɛ sran kɛ min sa ɔ wlu Nyanmiɛn i sua nun'n, nán wulɛ cɛ yɛ ɔ ´wu-ɔ? N wlu-man lɔ!»

Ɛstɛr 2:15

Kɛ Ɛstɛr b'ɔ ti Mardose i si niaan bian Abiail wa'n i famiɛn sin kɔlɛ cɛn'n juli'n, ninnge nga Egai b'ɔ nian i bla'm be su'n kleli i'n cɛ, yɛ ɔ fali-ɔ. Sran kwlaa ng'ɔ nin Ɛstɛr yia'n, san Ɛstɛr wun ´yo i fɛ.

Ɛstɛr 2:17

Famiɛn'n kloli Ɛstɛr trali bla'm be kwlakwla. Ɔ niɛnnin i nyrun, ɔ yoli i kpa trali talua kun nga mun. Ɔ fali famiɛn kle'n wlɛli i ti. Ɔ man famiɛn Asieris jɛli i sieli Vasti osu.

Ɛstɛr 2:7

Mardose yɛ ɔ tali Adasa bɔ be flɛ i Ɛstɛr nin-ɔn. I si niaan bian wa-a. Talua sɔ'n ti aika. Kɛ i si nin i nin be wuli'n, Mardose yɛ ɔ tɛli i-ɔ. Ɛstɛr nyinnin klanman kpa liɛ su. I nyrun waka'n kusu ti klanman ekun.

Ɛstɛr 4:13

ɔ tɛli i su kɛ: «Sɛ a bu i kɛ a o famiɛn'n i awlo lɔ ti nan ɔ kunngba lekeleke ɔ liɛ a ´nyan ɔ ti'n, a su laka ɔ wun.

Ɛstɛr 4:15

Yɛ Ɛstɛr toli Mardose i ngaliɛ kɛ:

Zɔb I Nyrɛnnɛn Wunlɛ 9:18

Ɔ yaci-man min nun man n de-man wunmiɛn. Sanngɛ klunngbɔ'n yɛ ɔ wla min-ɔn.

Akunndanfuɛ'n 3:7

Ɔ lɛ blɛ kun bɔ be fa titi be wun ninnge'm be nun-ɔn, yɛ ɔ lɛ blɛ kun bɔ be fa kpa be nun-ɔn. Ɔ lɛ blɛ kun bɔ be fa muan bé nuan-an, yɛ ɔ lɛ blɛ kun bɔ be fa ijɔ-ɔ .

Ezai 49:23

Famiɛn'm be wa kaci amún si, yɛ bé yi'm be wa ta amun. Be ´koto yɛ be ´utu bé nyin ase amún bo, be ´tafitafi amun ja wun ndutre'n, yɛ amun wa wun i wlɛ jrɛiin kɛ min yɛ n ti Anannganman nin-ɔn. I liɛ'n, be nga be ´fa bé wla gua min su'n, nyannzuɛn su kun-man be.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Saun Yolɛ 26:42

Kɛ ɔ ko yo sɔ'n, kpɛkuun mín nyin wa kpɛn aenguɛ nga min nin amun nannan Zakɔb, nin Izaak, ɔ nin Abraam e trali'n su. Yɛ like nga n jrannin su kɛ n ´yo man amun mɛn'n, n wla ´kpɛn su ekun.

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Jɔlɛ Difuɛ Mun 15:6

Filistifuɛ'm be ´usa-a, be waan: «Samsɔn b'ɔ ti bian b'ɔ fin Timna i sia nin-ɔn. I waan ɔ'a fɛ i yi ɔ'a man i janvuɛ'n, i ti yɛ ɔ yoli i sɔ-ɔ.» Yɛ Filistifuɛ'm be ɔli nan b'a ko trɔ bla'n nin i si'n bé wun sin nan b'a yra be.

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.

1 Samiɛl 17:29

David waan: «?Sa ngbɛn bɔ n usali nin, nguɛ yɛ n yoli-ɔ?»