Ɛstɛr 4:1 - NYANMIƐN NDƐ'N 1998

¹ Kɛ Mardose tili ndɛ sɔ'n cɛ'n, ɔ titili i wun tralɛ'm be nun. Ɔ wlali bajɛ tralɛ b'ɔ ti sa yalɛ tralɛ'n, kpɛkuun ɔ guɛli i ti su nzuɛn. Kɛ ɔ ´kpaci klɔ'n nun kɔ'n, wuun ɔ ´sun kɔ.

Ɛstɛr 4:1 ပူးပေါင်းရင်းမြစ်များ

Bo Bolɛ 27:34

Ezau waan nán ɔ ti ndɛ nga Izaak kannin'n, ɔ wluwluli i wun nan ɔ'a kpan fiaan . Ɔ seli i si kɛ: «Baba, yra min nguan wie.»

Bo Bolɛ 37:34

Yɛ Zakɔb ´titi i tralɛ'n nun yɛ ɔ ´wla bajɛ tralɛ-ɔ. Ɔ yoli i wa'n i sɛ'n cɛli lɔun kpa.

2 Samiɛl 1:11

Yɛ David sɔli i wun tralɛ'm bé nun yɛ ɔ titi be nun-ɔn. Be nga be o i wun lɛ'n be kusu be titili be liɛ'm be nun.

2 Samiɛl 13:19

Tamar fali nzuɛn guɛli i ti'n su. Ɔ titili i tralɛ tɛnndɛn jaja nun'n nun, kpɛkuun ɔ fɛ i sa guɛli i ti, ɔ ´kɔ'n, wuun ɔ ´sun.

Ɛstɛr 4:2

Ɔ sunnin sɔ lele juli famiɛn'n i awlo'n i anuan'n bɔ be fa-man bajɛ tralɛ wlu-man lɔ'n nun.

Ɛstɛr 4:3

Kan Asieris sie ju lɛ'n, i akpasua kwlaa nun'n, kɛ Zuif'm be ko ti sa nga famiɛn'n waan be `yo be'n cɛ'n, wuun be akunndan'n ɔ'a sanngan, wuun be su sun, wuun be ´yi ngwlɛ, kpɛkuun be ci i wun nglɛmun. Be nun kpanngban be wlali bajɛ tralɛ yɛ be lali nzuɛn nun.

Zɔb I Nyrɛnnɛn Wunlɛ 1:20

Yɛ Zɔb jasoli-ɔ. Ɔ titili i wun tralɛ'm be nun. I sin, ɔ kpuli i ti'n su, yɛ ɔ bubu guali asiɛ wun gblo! Ɔ kotoli,

Zɔb I Nyrɛnnɛn Wunlɛ 2:8

I sɔ'n ti Zɔb fa talie bue yɛ ɔ fa fuɛnfuɛn i wun-ɔn. Yɛ ɔ ti nzuɛn'n nun.

Zɔb I Nyrɛnnɛn Wunlɛ 42:6

Ɔ man nga n kannin'n, m'an se-man sɔ kun. N ´tran ndutre nin nzuɛn'n nun, n ´kan min wun ase.»

Ezai 15:4

Ɛsbɔnfuɛ mun nin Elealefuɛ mun be kpan, be ti be ngan Zaaz lɔ. I sɔ'n ti yɛ Moab lɔ sonja'm be bo awuyomo dan nin-ɔn, be wawɛ'n ɔ'a tɔ blo.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Ezai 37:1

Kɛ famiɛn Ezekias tili ndɛ sɔ'n, ɔ titili i wun tralɛ'm be nun, ɔ wlali bajɛ tralɛ, nan ɔ'a ɔ Anannganman i sua'n nun lɔ.

Ezai 37:2

Eliakim b'ɔ ti famiɛn sua'n i su kpɛn'n nin Sɛbna b'ɔ ti fluwa klɛfuɛ'n, ɔ nin Nyanmiɛn nyrun jranfuɛ'm be nun kaklaakla mun'n, Ezekias sunmannin be Amɔz i wa Ezai b'ɔ ti Nyanmiɛn nuan ijɔfuɛ'n i sin. Kɛ be ´kɔ'n, bajɛ tralɛ o bé wun.

Ezai 58:5

?Nglɛmun cilɛ nga n klo i'n, bɔ be ci i cɛn nga be kan bé wun ase'n i nun'n, yɛlɛ ng'ɔ o lɛ'n? ?Bé ti bɔ be klu i kɛ ndɛ mma sa'n, bajɛ su bɔ be la'n, nzuɛn nun bɔ be la'n, i sɔ'n yɛ amun flɛ i kɛ amun su ci nglɛmun cɛn kun b'ɔ jɔ Anannganman i klun'n i nun nin-ɔn?

Ezekiɛl 21:11

Yɛ wɔ, klɔ sran, awlaboɛ'n ti klu, tra ɔ wi nun, yɛ kplin man sran'm be kwlaa be wun wɔ.

Ezekiɛl 21:6

Yɛ Anannganman seli min kɛ yoo:

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Mise 1:8

I sɔ'n ti n ´sun, n ´koko, n ´nanti mín ja ngbɛn ɔ nin mín wun ngbɛn. N ´kpan kɛ nsoso sa, n ´kplin kɛ klɔnsoklo sa.

Sofoni 1:14

Anannganman i cɛn dan'n ɔ'a mantan koko, ɔ ba ndɛndɛ kpa, ɔ'a mantan koko. Cɛn sɔ nun'n, alowa'n ´jaso woo, awuyomo'n ´tɛ. Safunyrɛn'n bɔbɔ ɔ ´kpan kɛ: «Be `de min o, be `de min o!»

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Sa nga bé yôli'n 14:14

Kɛ Barnabas nin Pɔl bɔ Jésus sunmannin be'n be tili ndɛ sɔ'n, be titili bé wun tralɛ'm be nun, kpɛkuun be wanndi wluli sran'm be nun, be kpan be su kɛ:

Zozie 7:6

Zozie nin Izraɛl kpɛnngbɛn'm be titili be wun tralɛ'm be nun, be fali ndutre guali be ti'n su yɛ be kotoli, be utuli bé nyin ase Anannganman i alaka'n nyrun lele nnɔsua, bé wla b'ɔ boli'n ti.

Sa nglô yile 11:3

N yo man min ndɛ kanfuɛ nnyɔn'm be ´wla bajɛ tralɛ, be ´kan min ndɛ'n cɛn ba akpi kun cɛn ba ya nnyɔn cɛn ba ablesiɛn (1.260).»