Ɛstɛr 3:9 - NYANMIƐN NDƐ'N 1998

⁹ Sɛ a klo'n, man be klɛ bé wun fluwa kɛ be nunnun be kpɛkun. N ´sunnzun sika tɔnun ya nsan m ´man komin mun nan be fa gua ɔ bɔlɛ'n nun.»

Ɛstɛr 3:9 ပူးပေါင်းရင်းမြစ်များ

Bo Bolɛ 23:16

Abraam tili Efrɔn i ndɛ'n nan ɔ'a sunnzun sika ng'ɔ boli'n ɔ'a mɛn i Ɛtfuɛ'm be nyrun. Ɔ mɛnnin i jɛtɛ ufue ya nnan, jɛtɛ nga aata difuɛ'm be di su blɛ sɔ'n nun'n, i wie yɛ ɔ fa mɛnnin i-ɔ.

Ɛstɛr 3:10

Famiɛn'n yili i sama ti nga b'ɔ ti nzɔliɛ'n fa mannin Aman b'ɔ ti Zuif'm be kpɔfuɛ'n. Aman ti Amɛdata wa yɛ ɔ fin Agag osu'n nun.

Ɛstɛr 3:8

Aman seli famiɛn Asieris kɛ: «Nvle kun flanflan nvle nga a sie be'n be kwlaa be nun. Nvle sɔ'n nunfuɛ'm be nzuɛn'n ti i ngunmin, be mmla'm be nin be nga'm be liɛ'n ti-man kun. Be di-man ɔ mmla'm be su. Ɔ nin i fata-man kɛ a yaci be lɛ sa ngbɛn.

Ɛstɛr 4:7

nan Mardose ɔ'a kan sa ng'ɔ juli'n kwlaa ɔ'a kle i. Ɔ boli sika nga Aman waan sɛ be nunnun Zuif mun-ɔn, ɔ ´fa guɛ i famiɛn'n i bɔlɛ'n nun'n i nuan kleli i.

Ɛstɛr 7:4

Afin b'a yo min nin min nvlefuɛ mun e atɛ kɛ be `nunkun ye, be `kpɛ e kɔmin, yɛ be `nunnun ye mlɔnmlɔn. Sɛ ɔ ti kɛ be waan be ´yo ye atɛ nan e `kaci kanga'n, wuun n kan-man ndɛ. Nannan, like nga e kpɔfuɛ'n waan ɔ saci i'n ti dan. Sɛ ɔ saci'n, be tannin i kalɛ-ɔ, ɔ su yo-man ye.»

Daniɛl 3:8

I sin, ɔ'a cɛ-man bɔbɔ, Babilɔnifuɛ wie'm be ko dili Zuif'm bé bo abla kleli famiɛn'n.

Matthieu 18:24

Kɛ ɔ boli i bo'n, be fa bian kun bɔ i talan akpi blu (10.000) o i su'n blɛli i.