Ɛstɛr 3:6 - NYANMIƐN NDƐ'N 1998

⁶ Kɛ be kan kleli i kɛ Mardose ti Zuif'n, ɔ buli i kunlɛ akunndan. Sanngɛ i waan sɛ ɔ kun i ngunmin'n, ɔ ju-mɛn i. Yɛ i waan sɛ ɔ ti sɔ'n, ɔ ´nunnun Mardose nin Zuif nga be o kan Asieris sie ju lɛ'n be kwlakwla.

Ɛstɛr 3:6 ပူးပေါင်းရင်းမြစ်များ

Ɛsdras 4:6

Kɛ famiɛn Asieris trannin bia'n su'n, ɔ'a cɛ-man, kpɛkuun Izraɛlfuɛ'm be kpɔfuɛ mun be klɛli fluwa kun ko mɛnnin i. Fluwa sɔ nun'n, be di Zerizalɛmfuɛ mun nin Zidafuɛ'm bé bo abla.

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Jue Mun 83:4

Be cici ɔ sran mun bé wun sa. Be wun bé wun be bu be nga a sasa be'n bé wun akunndan tɛ.

Jue Mun 83:5

Be waan: «Amun man e wɔ e ko nunnun be nvle'n, nán man be bo Izraɛl dunman su be di jɔlɛ kun.»

Zeremi 33:24

«?Ndɛ nga sran'm be kan'n, a ti? Be ko se kɛ: ‹Awlo nnyɔn nga Anannganman'n kpali be'n, ɔ yili be blo.› Nian kɛ be yo min nvle'n i finfin-ɔn. Ɔ ti-man nvle be nyrun kun.»

Sa nglô yile 12:12

I sɔ'n ti, nyanmiɛn su lɔ ninnge mun nin amun kwlaa bɔ an tran lɔ'n, an `si able. Sanngɛ asiɛ'n nin jenvie'n, amun yako! Afin mmusu'm bé si Satan'n ɔ'a ba amún wun wa ya su yɛlɛ kɛ ɔ si kɛ i cɛn'n ɔ'a sɔn-man kun .»