Ɛstɛr 3:15 - NYANMIƐN NDƐ'N 1998

¹⁵ Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ɛstɛr 3:15 ပူးပေါင်းရင်းမြစ်များ

Bo Bolɛ 37:25

Kɛ be wa trannin ase bɔ be ´di like'n, be ´nian-an, Ismaɛlfuɛ wie'm be nin be nyɔnngɔnmɛn mun yɛ be fin Galaad mɛn'n nun b'a kpɛ aawlɛ flɛnnɛn'n yɛ be su sin kɔ Ezipt yɛ. Ayre fannin, nin kpakpalɛ ninnge, nin mir o nyɔnngɔnmɛn'm bé sin.

1 Famiɛn Mun 14:27

Famiɛn Rɔbɔam wa yoli aaba nyrɛn fa sieli be osu. Ɔ fa be wlali sonja'm bé su kpɛnngbɛn nga be jran famiɛn i sua'n i anuan'n nun'n bé sa nun kɛ be nian su.

Ɛstɛr 1:10

Be dili cɛn sɔ'n lele le nsiɛn. I le nso su'n, famiɛn'n nɔnnin nzan ɔ tili i kpa. I klun b'ɔ jɔli'n ti, ɔ flɛli i sran kaklaakla nso nga be niɛn i yi'm be su'n kɛ be bla. Be dunman mun yɛ: Mɛiman, Bizta, Arbɔna, Bigta, Abagta, Zetar, ɔ nin Karkas.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ɛstɛr 8:15

Kɛ Mardose ´fin famiɛn'n i awlo lɔ ´fite'n, famiɛn tralɛ o i wun. I bue ti ɔkwlɛ srosrowa yɛ i bue ti ufue. Tralɛ dan ng'ɔ o su'n ti ɔkwlɛ kankankan, lɛn tralɛ-ɔ. Sika ɔkwlɛ kle dan kun wlɛ i ti. Siz klɔ wunmuan'n kejeli sa yikiyikiyiki sran'm be ´kpan'n, wuun be ´si able afin be klun ti jɔwa.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Nyanndra Mun 1:16

Bé wun bli be saa sa tɛ yolɛ'n nun, be jranjran-man sran kunlɛ'n wun.

Nyanndra Mun 29:2

Kɛ sran kpa'm be sɔn'n, ɔ ti sran'm be cenjele like. Kɛ klunwifuɛ'n yɛ ɔ kwla'n, sran'm be koko.

Nyanndra Mun 31:4

Lɛmuɛl, famiɛn kun sa'n, ɔ nin i fata-man kɛ ɔ nɔn nzan. Nzan kekle'n, ɔ fata-man kɛ kpɛnngbɛn'm be fa cici bé ti .

Nyanndra Mun 4:16

Afin sɛ be nian yo-man sa tɛ'n, be nian lafi-man. Sɛ be nian yo-man sran sa'n, lafilɛ sa ɔ kun-man be.

Ndɛ Nga Nyanmiɛn I Nuan Ijɔfuɛ Oze Kannin'n 7:5

Cɛn nga be ´di famiɛn'n i cɛn'n, kɛ famiɛn'n i awlo lɔ sran dandan'm be ko nɔn nzan'n b'ɔ ko ti be'n, kpɛkuun ndɛ'm be su floflo bé nuan.

Amɔs 6:6

Klowa kpakpa'm be nun yɛ amun nɔn nzan nin-ɔn. Nyanngo kpakpa ng'ɔ bɔn fannin'n yɛ an kpakpa-a, sanngɛ nyrɛnnɛn dan ng'ɔ su wa tɔ Zozɛf osu'n nunfuɛ'm be su'n, ɔ kle-man amun kokolɛ.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Sa nglô yile 11:10

Sran nnyɔn sɔ'n be kunlɛ'n ´yo asiɛ'n sufuɛ'm be fɛ, be klun ´jɔ, yɛ be ´cɛ bé wun like, afin Nyanmiɛn nuan ijɔfuɛ nnyɔn sɔ'm be ´kle sran'm be yalɛ.