Ɛstɛr 3:12 - NYANMIƐN NDƐ'N 1998

¹² Anglo klikli'n i le blu-nin-nsan su'n, be flɛli famiɛn'n i fluwa klɛfuɛ mun nan b'a nian ndɛ nga Aman kannin'n su b'a klɛ fluwa b'a ko man famiɛn i ja nunfuɛ mun nin akpasua'm be su siefuɛ mun, ɔ nin nvle'm be su kpɛnngbɛn mun. Fluwa sɔ mun'n, be niannin akpasua'm be fluwa klɛlɛ wafa'm be su yɛ be klɛli be-ɔ, yɛ be niannin nvle'm be kwlaa be aniɛn'm be su yɛ be klɛli be-ɔ. Fluwa sɔ'n, famiɛn Asieris dunman nun yɛ be klɛli be-ɔ, yɛ i nga'n i nzɔliɛ'n wo su.

Ɛstɛr 3:12 ပူးပေါင်းရင်းမြစ်များ

1 Famiɛn Mun 21:8

Yɛ ɔ klɛli fluwa Akab dunman nun-ɔn. Ɔ fali Akab i nzɔliɛ'n sieli su. Ɔ fa ko mannin klɔ nga Nabɔt tran su'n i su kpɛnngbɛn mun nin i su sran lɔuun-lɔuun mun.

Ɛsdras 8:36

I sin be kannin famiɛn'n i ngaliɛ'n kleli be nga be jran famiɛn'n ja nun Efrat'n sin lɔ'n, ɔ nin lɔ nvle siefuɛ'm be kwlaa. Be kusu be yoli i ng'ɔ fata'n be ukali Izraɛl Nyanmiɛn'n i sua'n i kplanlɛ'n.

Ɛstɛr 1:22

Ɔ klɛli fluwa fa ɔli mɛn ng'ɔ sie'n i nun akpasua-akpasua'n kwlaa su. Ɔ klɛli fluwa sɔ mun aniɛn fanunfanun'm be nun, ɔ klɛli i kɛ yasua'm be kwlaa be `yo be awlo'm be su kpɛn nan be klɔ aniɛn liɛ'n yɛ be `kɛn i be awlo'm be nun-ɔn.

Ɛstɛr 3:11

Famiɛn'n seli Aman kɛ: «Man ɔ sika'n ka ɔ sa nun. M'an fa nvle nga m'an man wɔ. Like kwlaa nga ɔ waan a ´yo be'n, yo.»

Ɛstɛr 8:2

Yɛ famiɛn'n yili i sama ti nga ng'ɔ fa wlali Aman sa'n nan ɔ'a fa wla Mardose sa. Ɛstɛr kusu fali Aman awlo'n mannin Mardose kɛ ɔ nian su.

Ɛstɛr 9:27

Zuif'm be sili be wue nun kɛ afuɛ nuan kwlaa ng'ɔ yia'n, be nin be osu'n nunfuɛ mun nin be nga b'a kaci Zuif'n, be ´nian cɛn nnyɔn sɔ'm be su kpa be ´fa di cɛn kɛ Mardose fa klɛli'n sa.

Daniɛl 3:10

Nannan, a mannin mmla kɛ sran kwlaa wie ala b'ɔ ti awɛ'n, nin blo'n, nin sanngo'n, nin aluku'n, nin kote'n, nin sɛkɛsɛkɛ'n, ɔ nin ngowa ninnge uflɛ wie'm be tɛlɛ cɛ'n, ɔ `koto yɛ ɔ `utu i nyin ase nan ɔ `su sika ɔkwlɛ sran'n.

Daniɛl 6:12

Be nga be kpɔ i'n be ɔli ndɛndɛ be ko toli i. Kɛ be ´kɔ'n, wuun ɔ o Nyanmiɛn srɛlɛ nin i manmanlɛ'n su.

Daniɛl 6:15

Kɛ famiɛn'n tili ndɛ sɔ'n, i wla boli i wun kpa, ɔ guguli i klun lɔ kɛ ɔ ´de Daniɛl. Lele bɔ wia'n ´fa tɔ'n, ɔ kunndɛli i nun yacilɛ'n i wun ngwlɛlɛ.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Daniɛl 6:8

Akpasua su kpɛn'm be kpɛn mun, nin prefe mun, nin siefuɛ mun, nin wɔ afɔtuɛ manfuɛ mun, ɔ nin kpɛnngbɛn kun nga mun be yiali, yɛ be kwlaa be waan a `kpɛ mmla kun nan sran'm be kwlaa be `ti. Be waan a `se kɛ: ‹Sran kwlakwla nga b'ɔ yaci wɔ bɔ a ti famiɛn'n wɔ lɛ, nan ɔ ko ijɔ i bɔbɔ i amuɛn wie su annzɛ ɔ ko manman sran uflɛ'n, man be fɛ i sɔfuɛ'n be to yi i asɔmɔli'm be sin kunman'n nun lɔ.›