Ɛstɛr 3:10 - NYANMIƐN NDƐ'N 1998

¹⁰ Famiɛn'n yili i sama ti nga b'ɔ ti nzɔliɛ'n fa mannin Aman b'ɔ ti Zuif'm be kpɔfuɛ'n. Aman ti Amɛdata wa yɛ ɔ fin Agag osu'n nun.

Ɛstɛr 3:10 ပူးပေါင်းရင်းမြစ်များ

Bo Bolɛ 41:42

Famiɛn'n yili i sama ti nga'n ɔ fa wlali Zozɛf sa. Ɔ fali lɛn tralɛ kplɔkɔɔ fa wlɛli i wun. Ɔ wlɛli i njuaba .

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ɛstɛr 3:11

Famiɛn'n seli Aman kɛ: «Man ɔ sika'n ka ɔ sa nun. M'an fa nvle nga m'an man wɔ. Like kwlaa nga ɔ waan a ´yo be'n, yo.»

Ɛstɛr 3:9

Sɛ a klo'n, man be klɛ bé wun fluwa kɛ be nunnun be kpɛkun. N ´sunnzun sika tɔnun ya nsan m ´man komin mun nan be fa gua ɔ bɔlɛ'n nun.»

Ɛstɛr 7:6

Ɛstɛr tɛli i su kɛ: «E kpɔfuɛ sɔ'n bɔ i waan nán i nyinma wun ye'n yɛlɛ Aman, klunwifuɛ tɛ sɔ'n.» Aman i wawɛ'n ka lɛ wanndili i wun famiɛn nin Ɛstɛr'n be nyrun lɛ.

Ɛstɛr 8:2

Yɛ famiɛn'n yili i sama ti nga ng'ɔ fa wlali Aman sa'n nan ɔ'a fa wla Mardose sa. Ɛstɛr kusu fali Aman awlo'n mannin Mardose kɛ ɔ nian su.

Ɛstɛr 8:8

Nan sanngɛ fluwa nga b'a fa famiɛn'n i dunman'n b'a klɛ bɔ b'a fɛ i nga i nzɔliɛ b'a fa sie su'n, be kaci i-ɔ, ɔ yo-man ye, ɔ man amun bɔbɔ amun `klɛ fluwa nga amun nian-an, ɔ ko ti Zuif'm bé wun nyanman nun'n, amun `fa min dunman'n be klɛ, yɛ amun `fa min nga i nzɔliɛ'n be sie su.»