Ɛstɛr 2:9 - NYANMIƐN NDƐ'N 1998

⁹ Ɛstɛr wun yoli Egai fɛ kpa yɛ ɔ kloli i sa. Ɔ man ɔ fali nyanngo nin wunnzinlɛ ninnge'm be kwlaa, ɔ nin sika ng'ɔ ko fa ko to i ninnge kanngan mun mɛnnin i ndɛndɛ kpa. Ɔ mɛnnin i famiɛn'n i awlo nun talua nso nga be waan be fa be mɛn i'n, kpɛkuun ɔ fali be nin i sieli sua ba kpafuɛ'n nun.

Ɛstɛr 2:9 ပူးပေါင်းရင်းမြစ်များ

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

Bo Bolɛ 39:4

I wun yoli i min'n fɛ. Bian'n fɛli i yoli i gbanflɛn. Ɔ fɛli i awlo'n nin i bo ninnge mun kwlaa mɛnnin i kɛ ɔ nian be su.

1 Famiɛn Mun 8:50

Yaci bé sa nga be yoli wɔ'n, ɔ nin be nyin bɔ ɔ'a yi-man wɔ'n kwlaa cɛ be. Yo man be kpɔfuɛ'm be si be aunnvuɛ.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Ɛstɛr 2:12

Talua'm be kɔ famiɛn'n sin kunngun. Kwlaa nan b'a wɔ'n, be dun mmua siesie bé wun anglo blu-nin-nnyɔn. Anglo nsiɛn klikli'n, be fa kpakpa mir ngo. I sin'n, anglo nsiɛn'n ng'ɔ ka'n, be kpakpa nyanngo nga parfɛn o nun'n, yɛ be kpakpa mmla'm be talua dilɛ ninnge mun ekun.

Ɛstɛr 2:3

Yi sran mɛn nga a sie i'n i akpasua-akpasua'm be kwlaa be su, man be yia talua nglanman-nglanman sɔ mun Siz b'ɔ ti famiɛn klɔ'n nun wa famiɛn'n i yi'm be sua'n nun lɔ. Man Egai b'ɔ ti famiɛn'n i yi'm be su nianfuɛ'n, ɔ `nian be lika, ɔ man be kpakpaliɛ mun.

Ɛstɛr 5:2

Kɛ famiɛn'n wunnin i yi Ɛstɛr awlo'n klun lɔ'n, ɔ sili i aunnvuɛ nan ɔ'a fa sika ɔkwlɛ kpɔnman'n ɔ'a tinngɛ i nyrun. Yɛ Ɛstɛr ɔli ko kannin i kpɔnman i ti nin-ɔn.

Jue Mun 106:46

Ɔ yoli man be nga be trali be lomuɛn'n, be kwlaa be sili be aunnvuɛ.

Nyanndra Mun 16:7

Sɛ Anannganman klo sran kun nantilɛ'n, sɛ ɔ wie i kpɔfuɛ mun bɔbɔ o, ɔ siesie i nin be be afiɛn.

Daniɛl 1:9

Nyanmiɛn man junman difuɛ'm bé su kpɛn'n yoli Daniɛl ye, yɛ ɔ sili i aunnvuɛ.

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .