Ɛstɛr 2:15 - NYANMIƐN NDƐ'N 1998

¹⁵ Kɛ Ɛstɛr b'ɔ ti Mardose i si niaan bian Abiail wa'n i famiɛn sin kɔlɛ cɛn'n juli'n, ninnge nga Egai b'ɔ nian i bla'm be su'n kleli i'n cɛ, yɛ ɔ fali-ɔ. Sran kwlaa ng'ɔ nin Ɛstɛr yia'n, san Ɛstɛr wun ´yo i fɛ.

Ɛstɛr 2:15 ပူးပေါင်းရင်းမြစ်များ

Ɛstɛr 2:14

Talua'n kɔ nnɔsua. Kɛ aliɛ'n cɛn'n, ɔ kɔ mmla'm bé sua uflɛ nun. Saasgaz bɔ be sɛli i'n yɛ ɔ niɛn i li su-ɔ. Ɔ ti famiɛn i soman'm be su nianfuɛ. Sɛ a ´wun kɛ bla kun ´kɔ famiɛn'n sin ekun'n, wuun famiɛn'n i konvi o i su, yɛ ɔ'a yi sran kɛ ɔ ko flɛ i.

Ɛstɛr 2:16

Kɛ be sieli Asieris famiɛn'n, i afuɛ nso su anglo blu su yɛ be fa Ɛstɛr ko mɛnnin i-ɔ. Be flɛ anglo sɔ'n kɛ Tebɛt.

Ɛstɛr 2:3

Yi sran mɛn nga a sie i'n i akpasua-akpasua'm be kwlaa be su, man be yia talua nglanman-nglanman sɔ mun Siz b'ɔ ti famiɛn klɔ'n nun wa famiɛn'n i yi'm be sua'n nun lɔ. Man Egai b'ɔ ti famiɛn'n i yi'm be su nianfuɛ'n, ɔ `nian be lika, ɔ man be kpakpaliɛ mun.

Ɛstɛr 8:1

Le kunngba sɔ nun'n, famiɛn Asieris fali Aman b'ɔ ti Zuif'm be kpɔfuɛ'n i awlo'n mannin Ɛstɛr. Kɛ ɔ ´yo sɔ'n, wuun Ɛstɛr ɔ'a dun mmua kan kle famiɛn'n kɛ Mardose ti i osufuɛ. Nan Mardose ɔ'a ɔ famiɛn'n wun lɔ.

Ɛstɛr 9:29

Famiɛn bla Ɛstɛr b'ɔ ti Abiail wa'n nin Mardose be kwlalɛ bɔ be lɛ i'n ti, be klɛli fluwa nnyɔn su'n kɛ be `jran cɛn sɔ'n i dilɛ ndɛ'n su.

Nyanndra Mun 15:33

Bé nyin b'ɔ yi Anannganman'n ɔ man ngwlɛlɛ. Sɛ a dun mmua kan ɔ wun ase'n, yɛ a ´nyan nyrun-ɔn.

Ngɔjue Fɛfɛ Kpa'n 6:9

Sanngɛ bla kunngba cɛ yɛ min nyin o i sin-ɔn. I yɛ ɔ ti kɛ min auble sa-a, fɔ ba kun sa nun-mɛn i wun. Ɔ ti i nin i wa bla kunngba cɛ, i yɛ i nin klo i-ɔ. Kɛ talua'm be wun i'n, be se i kɛ ɔ liɛ su ti ye . Famiɛn'n i yi mun nin i soman mun be yi i ayɛ, be se kɛ:

Ngɔjue Fɛfɛ Kpa'n 8:10

N ti kɛ klɔ wun talɛ sa, min nyɔnflɛn'm be ti i sasawlɛ sua. Min adeba'n i liɛ'n, min yɛ man i anwlɛnba'n ɔ tɔ nzue nun-ɔn.

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .