Ɛstɛr 2:14 - NYANMIƐN NDƐ'N 1998

¹⁴ Talua'n kɔ nnɔsua. Kɛ aliɛ'n cɛn'n, ɔ kɔ mmla'm bé sua uflɛ nun. Saasgaz bɔ be sɛli i'n yɛ ɔ niɛn i li su-ɔ. Ɔ ti famiɛn i soman'm be su nianfuɛ. Sɛ a ´wun kɛ bla kun ´kɔ famiɛn'n sin ekun'n, wuun famiɛn'n i konvi o i su, yɛ ɔ'a yi sran kɛ ɔ ko flɛ i.

Ɛstɛr 2:14 ပူးပေါင်းရင်းမြစ်များ

Bo Bolɛ 34:19

Klolɛ bɔ gbanflɛn'n klo Zakɔb i wa bla'n ti, ɔ'a sisi-mɛn i bo sa sɔ'n i yolɛ nun. Kusu i si i awlo'n nun'n, i yɛ ɔ lɛ nyrun tra be ngba-a.

Ɛstɛr 2:13

Kɛ talua kun ´fɛ i mmla'm bé sua'n nun ´kɔ famiɛn'n i sua'n nun lɔ'n, like kwlaa nga i waan ɔ ´fa kɔ'n, be fa mɛn i.

Ɛstɛr 2:15

Kɛ Ɛstɛr b'ɔ ti Mardose i si niaan bian Abiail wa'n i famiɛn sin kɔlɛ cɛn'n juli'n, ninnge nga Egai b'ɔ nian i bla'm be su'n kleli i'n cɛ, yɛ ɔ fali-ɔ. Sran kwlaa ng'ɔ nin Ɛstɛr yia'n, san Ɛstɛr wun ´yo i fɛ.

Ɛstɛr 4:11

«Sran'm be kwlaa, i famiɛn'n i sran mun o, i siewlɛ'n i akpasua'm be su sran mun o, be si mmla'n. Be si kɛ sran kwlaa, i bla o, i yasua o, sran kwlaa nga b'a flɛ-mɛn i b'ɔ wlu famiɛn i awlo'n klun lɔ'n, i sɔ sran liɛ'n be kun i. Sɛ a wun kɛ ɔ ´fite nun'n, wuun famiɛn'n ɔ'a fɛ i sika ɔkwlɛ kpɔnman'n ɔ'a tinngɛ i nyrun. N kusu, n cɛn ba ablasan yɛ, be nian flɛ-man min kɛ n wlu famiɛn'n sin lɔ.»

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 45:4

Zakɔb i osu'n nunfuɛ bɔ be ti min sufuɛ'n be dunman nun ti, ɔ nin Izraɛlfuɛ'm bɔ n kplali be'n be dunman nun ti, n fali ɔ dunman'n n flɛli wɔ. N fali junman dan kun n wlali ɔ́ sa nun. I nun sɔ nun'n, wuun a si-man min bɔbɔ.

Mmla'n 21:14

Sɛ yasua'n waan ɔ klo-mɛn i kun'n, ɔ `yaci i nun man ɔ wɔ. Sanngɛ ɔ lɛ-man atin ɔ yo-mɛn i atɛ fa nyan-man sika su, kusu ɔ lɛ-man atin fɛ-mɛn i yo-mɛn i kanga, afin ɔ'a dun mmua ɔ'a miɛn i ɔ'a jɛ i kekle nun.