Ɛstɛr 2:12 - NYANMIƐN NDƐ'N 1998

¹² Talua'm be kɔ famiɛn'n sin kunngun. Kwlaa nan b'a wɔ'n, be dun mmua siesie bé wun anglo blu-nin-nnyɔn. Anglo nsiɛn klikli'n, be fa kpakpa mir ngo. I sin'n, anglo nsiɛn'n ng'ɔ ka'n, be kpakpa nyanngo nga parfɛn o nun'n, yɛ be kpakpa mmla'm be talua dilɛ ninnge mun ekun.

Ɛstɛr 2:12 ပူးပေါင်းရင်းမြစ်များ

Ɛstɛr 2:11

Cɛn kwlaa Mardose sin mmla'm bé awlo'n nyrun lɛ ɔ usa Ɛstɛr osu, sɛ ɔ ti juejue o, sɛ be yo i kpa o.

Ɛstɛr 2:13

Kɛ talua kun ´fɛ i mmla'm bé sua'n nun ´kɔ famiɛn'n i sua'n nun lɔ'n, like kwlaa nga i waan ɔ ´fa kɔ'n, be fa mɛn i.

Ɛstɛr 2:3

Yi sran mɛn nga a sie i'n i akpasua-akpasua'm be kwlaa be su, man be yia talua nglanman-nglanman sɔ mun Siz b'ɔ ti famiɛn klɔ'n nun wa famiɛn'n i yi'm be sua'n nun lɔ. Man Egai b'ɔ ti famiɛn'n i yi'm be su nianfuɛ'n, ɔ `nian be lika, ɔ man be kpakpaliɛ mun.

Ɛstɛr 2:9

Ɛstɛr wun yoli Egai fɛ kpa yɛ ɔ kloli i sa. Ɔ man ɔ fali nyanngo nin wunnzinlɛ ninnge'm be kwlaa, ɔ nin sika ng'ɔ ko fa ko to i ninnge kanngan mun mɛnnin i ndɛndɛ kpa. Ɔ mɛnnin i famiɛn'n i awlo nun talua nso nga be waan be fa be mɛn i'n, kpɛkuun ɔ fali be nin i sieli sua ba kpafuɛ'n nun.

Nyanndra Mun 7:17

M'an fa lɛngɛ fiɛ, nin lawlɛ fiɛ nin suɛ bo m'an yo lɔ fanninfannin saa.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ezai 3:24

Ninnge kplɔwa'm be nvan'n ɔ ´sin parfɛn'n i bɔnlɛ'n i osu. Be ´fa nyanman be ´yo bé bo kplo. Be su yo-man bé ti'm be kun , be ´yi be treketreke. Be su wla-man cɛn dilɛ tralɛ kun, bajɛ tralɛ yɛ be ´wla-a. Be wunnɛn'n su nzɔliɛ'm be su yo-man nyɛnmɛn kun, be ´yo kɛ sin osu sa.

Ezai 57:9

Amun tu amún ja lele kɔ famiɛn'n i wun lɔ, amun fa ngo tra nun, amun fa parfɛn kpanngban be kɔ. Amun sunman amun sran mun mmua-mmua kpa lɔ. Amun yo man be kɔ lele be ju blɔlɔ lɔ.