Ɛstɛr 10:3 - NYANMIƐN NDƐ'N 1998

³ Asieris mɛn'n nun'n, Mardose yɛ ɔ mɛntɛnnin i-ɔ. I niaan Zuif'm be kwlaa be buli i sran, yɛ be kloli i sa. Like ng'ɔ ko yo nan i nvlefuɛ'm b'a nyan ye nin fɔundi'n, ɔ yoli.

Ɛstɛr 10:3 ပူးပေါင်းရင်းမြစ်များ

Bo Bolɛ 41:40

Ɔ man wɔ yɛ a ´nian mín mɛn'n su-ɔ. Ndɛ nga a kan'n yɛ min nvlefuɛ'm be ´ti-ɔ. Famiɛn bia bɔ n ti su'n, i kunngba cɛ yɛ man ngbaciɛ tran e nin wɔ ye afiɛn-ɔn.»

Bo Bolɛ 45:10

N ´sie wɔ Gozɛn nvle'n nun mín wun koko wa. Ɔ mma mun nin wɔ anunman mun, nin ɔ bua mun, nin ɔ boli mun, nin ɔ nannin mun, ɔ nin ɔ́ sa nun ninnge'n kwlaa, n ´sie be min wun koko wa wie.

Bo Bolɛ 45:11

Sɛ a ba'n, m ´man wɔ aliɛ a ´di. Ɔ man a nin ɔ osufuɛ mun, ɔ nin ɔ nnɛn mun'n, like fi su mian-man amun awe afuɛ nnun ng'ɔ tɛ ka'n nun.› »

2 Be Nyoliɛ 28:7

Zikri b'ɔ ti Efraim lɔ alɛ kunfuɛ dan'n kunnin Maazeza b'ɔ ti famiɛn'n i wa'n, nin Azrikam b'ɔ ti famiɛn'n i awlo'n su kpɛn'n, ɔ nin Ɛlkana b'ɔ ti famiɛn'n i mantanfuɛ kpa'n.

Neemi 2:10

Kɛ Sanbalat b'ɔ fin Ɔrɔn'n , nin Tɔbiza b'ɔ ti Amɔnfuɛ'n b'ɔ ti Sanbalat i ukafuɛ'n be tili kɛ sran kun su wa yo sa kpa ´man Izraɛlfuɛ mun'n, ɔ'a yo-man be fɛ.

Ɛstɛr 2:5

Zuif bian kun o Siz b'ɔ ti famiɛn klɔ'n nun lɛ, be flɛ i Mardose. Ɔ ti Zair wa, Zair kusu ti Simɛi wa, yɛ Simɛi ti Kis wa. Ɔ fin Bɛnzamɛn akpasua'n su.

Ɛstɛr 3:2

Famiɛn'n waan i sran nga be o i anuan nun lɛ'n be koto Aman bo. Be kwlaa be koto i bo sanngɛ Mardose koto-mɛn i bo wie.

Daniɛl 5:16

N tili i kɛ ɔ liɛ'n, a kwla tutu nyanndra nun sa'm be bo, yɛ a kwla yiyi nvialiɛ nun sa'm be nun. Sɛ a kwla kanngan fluwa nga be klɛli i yɛ'n nan a tu i bo kle min'n, be ´kla ɔ wun famiɛn kondro ɔkwlɛ kankankan, be ´wla ɔ kɔmin sika ɔkwlɛ njuaba, kpɛkuun a wa yo min mantanfuɛ'm be nsan su.»

Daniɛl 5:29

Be ja nun lɛ Bɛlsazar seli i sufuɛ'm be kɛ be `kla Daniɛl i famiɛn kondro ɔkwlɛ kankankan nan be `fa sika ɔkwlɛ njuaba be wlɛ i kɔmin. Ɔ kɛnnin i ekun kɛ ɔ'a fɛ i ɔ'a yo i mantanfuɛ'm be nsan su.

Daniɛl 6:3

Be sieli akpasua'm bé su kpɛn'm bé su kpɛnngbɛn nsan. Daniɛl ti be nsan sɔ'm be nun kun. Be yɛ akpasua-akpasua kunngun'm bé su kpɛn'm be wa kan be junman'n i su ndɛ mun kle be-ɔ, kɛ ɔ ´yo nan akpasua-akpasua'm b'a kwla di-man famiɛn'n i lufle'n ti.

Rɔmfuɛ Mun 10:1

Aniaan mun, min nuan bɔ n yra'n nin sa nga n fa srɛ Nyanmiɛn kɛ ɔ yo man Izraɛlfuɛ mun'n, yɛlɛ kɛ be `fite nun.

Rɔmfuɛ Mun 14:18

Sran ng'ɔ di Krist i junman'n kɛ nga sa'n, Nyanmiɛn klun jɔ i wun, yɛ sran'm be bo i dunman.

1 Samiɛl 18:16

Izraɛlfuɛ mun nin Zidafuɛ'm be liɛ'n be klo David, afin be alɛ kunlɛ nun i yɛ ɔ dun be mmua-a.

1 Samiɛl 23:17

I waan: «Nán srɛ kun wɔ. Mín si su nyan-man wɔ. Wɔ yɛ a ´yo Izraɛl famiɛn nin-ɔn. N kusu n ´yo wɔ mantanfuɛ. Mín si Sail bɔbɔ si sɔ.»