Ɛstɛr 1:3 - NYANMIƐN NDƐ'N 1998

³ i afuɛ nsan su'n, ɔ flɛflɛli i mɛn'n su kpɛnngbɛn mun, nin Pɛrs nin Medi sonja su kpɛn mun, ɔ nin nvle-nvle'm be siefuɛ mun, ɔ nin i akpasua su kpɛn mun. Ɔ flɛli be kɛ be wa di cɛn.

Ɛstɛr 1:3 ပူးပေါင်းရင်းမြစ်များ

Bo Bolɛ 40:20

Le nsan'n su'n, kɛ Ezipt famiɛn'n di i awuliɛ cɛn'n, ɔ flɛli i mantanfuɛ'm be kwlaa kɛ be wa di like, nan ɔ'a man nzan sufuɛ'm be su kpɛnngbɛn'n nin kpaun tɔnfuɛ'm be su kpɛnngbɛn'n bé sa su i mantanfuɛ'm be nyrun.

1 Famiɛn Mun 3:15

Salomɔn tinngeli, ɔ wunnin i kɛ ndɛ yɛ Nyanmiɛn ɔ'a kan kle i laliɛ nun lɛ-ɔ. Ɔ sɛli i sin Zerizalɛm, nan ɔ'a ɔ Anannganman nyrun kan Anannganman i alaka'n wo lɔ'n. Ɔ yili tɛ nga be yra be nnɛn'n kɔlikɔli'n, nin bo kun yolɛ i su tɛ mun, kpɛkuun ɔ flɛli i sufuɛ'm be kwlakwla kɛ be wa di like.

Ɛsdras 1:2

«M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Ɛstɛr 1:14

Be nga famiɛn'n yiali be'n, yɛlɛ Karsɛna, Setar, Admata, Tarsis, Merɛs, Marsɛna, Mɛmikan. Be ti Pɛrs nin Medi sran kaklaakla. Sɛ famiɛn nun-man lɛ'n, be yɛ be o mɛn'n su-ɔ.

Ɛstɛr 1:4

Ɔ fɛli i famiɛn ninnge kpakpa nin ninnge nglanman-nglanman mun kleli be. Ɔ man be wunnin kɛ i sielɛ'n ti sielɛ kun b'ɔ lɛ nyrun. Cɛn dilɛ sɔ'n dili sra nsiɛn.

Ɛstɛr 2:18

Ɔ flɛli i mantanfuɛ nin i sufuɛ'm be kɛ be wa di Ɛstɛr ti cɛn. Ɔ mannin akpasua-akpasua'm be wunmiɛn delɛ cɛn. Yɛ ɔ cɛli sran'm be like kpa kɛ famiɛn fa cɛ sran'm be like'n sa.

Ɛstɛr 3:7

Kɛ be sieli Asieris i famiɛn'n, i afuɛ blu-nin-nnyɔn'n su, i anglo klikli'n bɔ be flɛ Nizan'n, Aman yoli man be tuli fɔtɔ. Be waan be ´kunndɛ anglo nin cɛn nga nun yɛ be ko kun Zuif mun'n. Be tuli anglo nin cɛn'm be kwlaa bé wun fɔtɔ, kpɛkuun ɔ tɔli anglo blu-nin-nnyɔn'n su, be flɛ i kɛ Adar.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Zeremi 51:11

Akunndan nga Anannganman'n ɔ'a fa'n yɛlɛ Babilɔni nunnunlɛ. I yɛ ɔ wlawla Medi famiɛn mun kɛ be nin i be `yia nun nin-ɔn. Ɔ ´kunndɛ kɛ ɔ `tu i klunngbɔ i sua'n dunman nun. An `kpita amun cua'm bé nuan. An `sua be klɔun an `gua be amun pata'm be nun.

Daniɛl 5:1

Cɛn kun famiɛn Bɛlsazar yiɛli i sran dandan kɔe akpi kɛ be ko di like. Ɔ nɔnnin nzan be kwlaa be nyrun lɛ.

Daniɛl 5:28

LIKE NUN BUBULƐ'n i bo'n yɛlɛ kɛ: be bubuli ɔ famiɛn diwlɛ'n nun be mannin Medifuɛ mun nin Pɛrsfuɛ mun .»

Daniɛl 6:1

Yɛ Dariis, b'ɔ fin Medi'n ɔ wa yoli famiɛn-ɔn. Kɛ ɔ ´yo sɔ'n, wuun ɔ lɛ afuɛ ablesiɛn-nin-nnyɔn.

Daniɛl 8:20

Bua nene b'ɔ lɛ wɛ nnyɔn bɔ a wunnin i'n, ɔ ti Medi nin Pɛrs be famiɛn'm be nzɔliɛ.

Marc 6:21

Sanngɛ Erɔd i awuliɛ cɛn dilɛ nun b'ɔ yiɛli i awa junman difuɛ kaklaakla mun, nin i sonja sasufuɛ mun, ɔ nin Galile sran dandan mun kɛ be wa di cɛn'n, cɛn nga Erɔdias minndɛ'n ɔ juli.