Ɛstɛr 1:12 - NYANMIƐN NDƐ'N 1998

¹² Bla'm be su nianfuɛ sɔ'm be ko kan kleli bla'n, sanngɛ bla'n waan ɔ ba-man, ɔ yoli famiɛn'n ya trali su, ɔ kpɛli i anwlɛn.

Ɛstɛr 1:12 ပူးပေါင်းရင်းမြစ်များ

Bo Bolɛ 3:16

Yɛ ɔ se bla'n kɛ: «N ´yo man ɔ wunnzɛlɛ nun afɛ'n wa yo dan. Kɛ a ´wu ba'n, a ´wun nyrɛnnɛn kpa. Wɔ anwlɛn'n wa tran ɔ́ wun su, sanngɛ ɔ ´sie wɔ.»

Ɛstɛr 1:11

Ɔ seli be kɛ be ko fa Vasti b'ɔ ti famiɛn bla'n be bla. I waan sɛ ɔ ´ba'n, ɔ `wlɛ i famiɛn kle'n, afin famiɛn'n waan i mantanfuɛ nin sran'm be kwlaa be wun kɛ i yi'n i klanman'n fa ti ju'n. Nanwlɛ, bla'n kusu ti klanman kekleke.

Ɛstɛr 1:13

Yɛ famiɛn'n yiali be nga be ti ngwlɛlɛfuɛ nin be bɔ be si sa mun-ɔn. Sɛ ndɛ tɔ'n, mmla sifuɛ nin sa sifuɛ'm be yɛ famiɛn'n yia be yɛ be kan-an.

Ɛstɛr 7:7

Famiɛn'n fali ya dan kpa. Ɔ jasoli nzan'n su ɔli awlo'n nun waka'm bé bo lɔ. Aman wunnin kɛ famiɛn'n ɔ'a bu i kunlɛ akunndan, yɛ ɔ kɛli i yi Ɛstɛr wun lɛ kɛ ɔ ´srɛ i nan nán be kun i.

Jue Mun 74:1

Jue nga ti Azaf liɛ. I waan: ?Nyanmiɛn, ɔ yo sɛ ti yɛ a yi e blo mlɔnmlɔn sɔ-ɔ? ?E ti-man kɛ ɔ bua mun sa? ?Ɔ yo sɛ ti yɛ a fa ya kekle e wun sɔ-ɔ?

Jue Mun 79:5

?Anannganman cɛn onin ko yɛ a ´yaci ya tantrantan nga a fɛ i e wun nin-ɔn? ?Cɛn onin ko yɛ é ti kwla b'ɔ a si'n i su ya b'ɔ yra kɛ sin sa'n, ɔ ´jaso e su-ɔ?

Ezipt Lɔ Tulɛ'n 32:19

Kɛ Moiz nin Zozie be mantannin ngblaliɛ'n, Moiz wunnin nannin ba'n nin nvlefuɛ mun bɔ be su si able'n. Ɔ fali ya dan kpa, nan ɔ'a tɛ yɛbuɛ paplaapla'm be ase ɔ'a bubu be nun oka'n i bo lɛ.

Ezipt Lɔ Tulɛ'n 32:22

Aarɔn tɛli i su kɛ: «Yaci, nán fa ya. Ɔ bɔbɔ a si kɛ sran nga be o yɛ mun, be sa tɛ yolɛ fin'an wa ju'a wa.

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 20:2

Kɛ famiɛn kun ko fa ya'n, ɔ yo sro kpa kɛ asɔmɔli sa. Ɔ min kun nga a klɔklɔ famiɛn'n, wuun ɔ ti kɛ a su kunndɛ ɔ wie.

Daniɛl 2:12

I osu ti, famiɛn'n fali ya dan kpa, yɛ i waan be `kun Babilɔni lɔ sa sifuɛ'm be kwlaa.

Daniɛl 3:13

Nɛbikadnɛzar fali ya dan kpa, nan ɔ'a sunman sran kɛ be ko fa Sadrak nin Mesak, ɔ nin Abɛd-Nego be `bla. Yɛ be ko fali be blɛli i-ɔ.

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Efɛzfuɛ Mun 5:22

Bla mun, an `bu amún wun'm be sran, kɛ an bu e Min'n i sran'n sa. Nán an fa amún nyin wlawla be,

Efɛzfuɛ Mun 5:24

Kɛ asɔnun'n bu Krist sran'n, man mmla'm be bu bé wun'm be sran sɔ sa'n kwlaa nun.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

1 Piɛr 3:1

Mmo mun, amun kusu an `bu amún wun'm be sran, nán an fa amún nyin wlawla be. I liɛ'n sɛ be nun wie'm be fa-man Nyanmiɛn ndɛ'n su'n, kɛ be wun amun nzuɛn kpa'n nin sran bɔ an bu be'n, an su kan-man ndɛ fi nan b'a yaci .