Ɛstɛr 1:10 - NYANMIƐN NDƐ'N 1998

¹⁰ Be dili cɛn sɔ'n lele le nsiɛn. I le nso su'n, famiɛn'n nɔnnin nzan ɔ tili i kpa. I klun b'ɔ jɔli'n ti, ɔ flɛli i sran kaklaakla nso nga be niɛn i yi'm be su'n kɛ be bla. Be dunman mun yɛ: Mɛiman, Bizta, Arbɔna, Bigta, Abagta, Zetar, ɔ nin Karkas.

Ɛstɛr 1:10 ပူးပေါင်းရင်းမြစ်များ

Bo Bolɛ 43:34

Zozɛf man be fɛli i tabli'n su ninnge'n wie mannin be. Bɛnzamɛn liɛ ng'ɔ kpɛ mɛnnin i'n, i dan tra be kwlaa be liɛ'n kpɛ nnun. Be nin i be nɔnnin nzan lele ɔ tili be.

2 Samiɛl 13:28

Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»

Ɛstɛr 1:9

Kɛ ɔ ´yo sɔ'n, wuun famiɛn'n i yi Vasti kusu nin mmla'm be ´di be like liɛ famiɛn sua'n nun lɔ.

Ɛstɛr 3:15

Be nga be sunmannin be'n, be kannin bé wun ɔli kɛ famiɛn'n kannin'n sa. Be boli ndɛ sɔ'n i jɔ sinnin Siz b'ɔ ti famiɛn klɔ'n su. Kɛ famiɛn'n nin Aman be yiali bɔ be ´nɔn nzan'n, wuun ayrɛ ɔ'a gua Siz klɔ'n sufuɛ'm bé wun.

Ɛstɛr 7:9

Yɛ Arbɔna b'ɔ ti famiɛn i sran'm be nun kun'n waan: «Mardose b'ɔ deli famiɛn'n, i kɔmin bowlɛ nga Aman kplannin'n wo Aman bɔbɔ i awlo'n nun lɔ. I nglo-nglo su'n ti mɛtri ablaɔn-nin-nnun.» Yɛ famiɛn'n waan: «Amun `ko bo i kɔmin waka sɔ'n su.»

Nyanndra Mun 20:1

Nzan'n man sran di tutre, nzan kekleekle mun man sran ijɔ fiaii. Sran ng'ɔ nɔn nzan ngboko'n, ɔ si-man ngwlɛlɛ .

Nyanndra Mun 31:4

Lɛmuɛl, famiɛn kun sa'n, ɔ nin i fata-man kɛ ɔ nɔn nzan. Nzan kekle'n, ɔ fata-man kɛ kpɛnngbɛn'm be fa cici bé ti .

Akunndanfuɛ'n 10:19

Sran'm be tɔn like kaka be fa di cɛn su, kɛ be ´nɔn nzan'n, bé wun kpaja be. Sika'n kusu yɛ be fa yo be wun sa'n kwlakwla-a.

Jɔlɛ Difuɛ Mun 16:25

Kɛ be klun jɔli dan'n ti, be seli kɛ: «Amun `fa Samsɔn bla nan ɔ wa kan ngowa kan kle ye.» Be ko fali Samsɔn bisua lɔ bali. Ɔ wa yili srilɛ kleli be. Yɛ be sieli i sua'n i kuatrɛn nnyɔn'm be afiɛn-ɔn.

Jɔlɛ Difuɛ Mun 19:6

Yɛ be nnyɔn'n be trannin ase-ɔ. Be dili like, be nɔnnin nzan likawlɛ. Bla'n i si'n seli bian'n kɛ: «Yaci, gua ɔ wla ase, e la ekun.»

Rit I Wun Ndɛ 3:7

Bɔaz dili like, ɔ nɔnnin i nzan'n i klun jɔli, kpɛkuun ɔ ɔli ko lali i ɔrz kwle'n kun wun lɔ. Yɛ Rit bali blɛblɛblɛ ɔ wa ukeli i kondro'n yɛ ɔ lali i ja ngua lɛ-ɔ.