Ɛstɛr 1:1 - NYANMIƐN NDƐ'N 1998

¹ Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Ɛstɛr 1:1 ပူးပေါင်းရင်းမြစ်များ

Ɛsdras 4:6

Kɛ famiɛn Asieris trannin bia'n su'n, ɔ'a cɛ-man, kpɛkuun Izraɛlfuɛ'm be kpɔfuɛ mun be klɛli fluwa kun ko mɛnnin i. Fluwa sɔ nun'n, be di Zerizalɛmfuɛ mun nin Zidafuɛ'm bé bo abla.

Ɛstɛr 10:1

Famiɛn Asieris man i nvlefuɛ nga be tran jenvie nuan'n nin be nga be o i asiɛ wunmuan'n su'n be dili plɔtrɔ junman.

Ɛstɛr 2:3

Yi sran mɛn nga a sie i'n i akpasua-akpasua'm be kwlaa be su, man be yia talua nglanman-nglanman sɔ mun Siz b'ɔ ti famiɛn klɔ'n nun wa famiɛn'n i yi'm be sua'n nun lɔ. Man Egai b'ɔ ti famiɛn'n i yi'm be su nianfuɛ'n, ɔ `nian be lika, ɔ man be kpakpaliɛ mun.

Ɛstɛr 8:9

Be kali lɛ be flɛli famiɛn'n i fluwa klɛfuɛ mun Sivan anglo'n b'ɔ ti anglo'n nsan su'n i le ablaɔn-nin-nsan'n su nan b'a klɛ ndɛ nga Mardose waan be klɛ'n i kwlaa. Be fa fluwa nga be klɛli ko mannin Zuif mun nin kpɛnngbɛn mun, ɔ nin siefuɛ mun, ɔ nin akpasua ng'ɔ fɛ i Ɛnd lɛ lele fa ju Etiopi'n. Be ti akpasua-akpasua ya ablaɔn-nin-nso. Be niannin akpasua'm be fluwa klɛlɛ wafa liɛ'm be su, ɔ nin be aniɛn'm be su yɛ be klɛli fluwa sɔ nin-ɔn. Yɛ be niannin Zuif'm be fluwa klɛlɛ i wafa'm be su, ɔ nin be aniɛn'm be su yɛ be klɛli be liɛ'n kusu-ɔ.

Ɛstɛr 9:30

Be fali fluwa sɔ'n be ko mannin Zuif'm be kwlaa bɔ be o Asieris i mɛn'n i akpasua ya ablaɔn-nin-nso'm be su'n. Be klɛli fluwa sɔ'n kɛ be ´fa gua be anwlɛn su nzue nan nán srɛ kun be.

Ezai 18:1

Etiopi mɛn'n i nzue ba'm bé sin lɔ'n, be ti like wie i ndɛwa'm be tɛlɛ.

Ezai 37:9

Be wa kan kleli Sankerib kɛ Etiopi famiɛn nga be flɛ i kɛ Tiraka'n ɔ'a ti nyanman lɔ, ɔ su ba kɛ ɔ nin i be wa kun. Kɛ ɔ tili ndɛ sɔ'n cɛ'n, yɛ ɔ sunmannin sran Ezekias sin ekun-ɔn. I waan:

Daniɛl 11:2

Siɛn'n n wa kan nanwlɛ ndɛ'n n kle wɔ.» «Famiɛn nsan be wa kaci be wiengu Pɛrs mɛn'n su. I sin famiɛn nnan su b'ɔ wa ba'n ɔ wa nyɛn i wun kpa tra be nga be dun mmua i nyrun'n. Blɛ bɔ i anyanbeun ninnge'm be wa mɛn i wunmiɛn'n, ɔ wa yo i kwlaa ng'ɔ kwla yo'n nan ɔ nin Grɛk mɛn'n b'a kun'n.

Daniɛl 6:1

Yɛ Dariis, b'ɔ fin Medi'n ɔ wa yoli famiɛn-ɔn. Kɛ ɔ ´yo sɔ'n, wuun ɔ lɛ afuɛ ablesiɛn-nin-nnyɔn.

Daniɛl 9:1

«Asieris i wa Dariis b'ɔ ti Medifuɛ'n, ɔ wa yoli Babilɔni mɛn'n i famiɛn. Kɛ ɔ trannin bia'n su, i afuɛ klikli su'n, m bɔbɔ min Daniɛl, n niannin Anannganman i fluwa'm be nun nan m'an wun ndɛ nga Anannganman man i nuan ijɔfuɛ Zeremi kannin'n i wlɛ. Ɔ kannin afuɛ ableso nga i nun yɛ be wa saci Zerizalɛm'n i ndɛ kleli Zeremi .