Efɛzfuɛ Mun 5:3 - NYANMIƐN NDƐ'N 1998

³ An ti Nyanmiɛn i sran, i sɔ'n ti'n, nán man be ti bla nin bian kunndɛlɛ, nin sa tɛtɛ yolɛ, nin bé nyin b'ɔ yi-man like'n be ndɛ fi amún nuan nun.

Nyanmien nde Ufle

³ An ti Nyanmien i swran, i so'n ti, nanh man bé ti bla nin bian kunndele, nin sa tete yôle, nin bé nyin b'o yi'a liké'n, bé nde fi amun nuan nun.

Efɛzfuɛ Mun 5:3 ပူးပေါင်းရင်းမြစ်များ

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Jue Mun 119:36

Yo man sa nga a fa sie min nyrun kɛ n yo be'n yɛ n `fa cici mín ti-ɔ, nán n fa ninnge nyanlɛ'n n cici mín ti .

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 20:17

Nán man ɔ́ nyin blo ɔ wiengu like su, i sua o, i yi o, i sa nun junman difuɛ bla o, i sa nun junman difuɛ yasua o, i nannin o, i aflunmun o, nán man ɔ nyin blo i wie fi su .»

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Nyanndra Mun 28:16

Mɛn siefuɛ kun b'ɔ si-man ngwlɛlɛ'n, i bo mma'm be mian-mianlɛ sa cɛ yɛ ɔ mian-mian be titi-ɔ. Nga kusu b'ɔ sro ndrunmun dilɛ'n, ɔ ´cɛ kpɛn dilɛ'n nun.

Zeremi 22:17

Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Saun Yolɛ 15:18

Sɛ bla kun nin yasua kun be la'n, ɔ fata kɛ be nnyɔn'n be wunnzin. Sanngɛ lele'n b'ɔ ´fa ju nnɔsua'n, wuun be tɛ o fiɛn nun.»

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Kalɛ 25:1

Izraɛlfuɛ'm be trannin Sitim lɛ, be nin Moab bla'm be trannin tekle bolɛ'n nun.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

Sa nga bé yôli'n 15:20

Sanngɛ man e klɛ be fluwa kɛ nán man be di amuɛn su, nán man be kunndɛ bla b'ɔ ti-man bé yi annzɛ bian b'ɔ ti-man bé wun'n, yɛ nán man be di nnɛn b'ɔ wu i sa su'n, ɔ nin nnɛn mmoja .

Sa nga bé yôli'n 20:33

Min nyin a blo-man sran fi i jɛtɛ ufue, nin i sika ɔkwlɛ, ɔ nin i tralɛ'm be wun.

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Rɔmfuɛ Mun 16:2

Ɔ man e Min'n ti an `sɔ i nun kpa, kɛ Nyanmiɛn i sran'm be sɔ be wiengu nun'n sa. Like kwlaa ng'ɔ miɛn i sa'n, an `yo mɛn i, afin nanwlɛ, ɔ tili sran kpanngban bé wun nyanman nun, yɛ ɔ nian n kusu n lika kpa.

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

1 Korɛntfuɛ Mun 10:8

Nán man e kunndɛ bla kɛ be nun wie'm be yoli b'ɔ man be nun akpi-akpi ablaɔn-nin-nsan (23.000) be wuli le kunngba'n sa .

1 Korɛntfuɛ Mun 5:1

Be ti i lika'n kwlaa kɛ amu'an fa bla nin bian kunndɛlɛ'n amu'an cici amún ti lele ɔ man amun nun kun a de i si yi'n. Bla kunndɛlɛ wafa sɔ'n, be bɔ be ti-man Kristfuɛ'n bɔbɔ be yo-man .

1 Korɛntfuɛ Mun 6:13

Aliɛ'n ti be klun owie, yɛ be ku'n kusu ti aliɛ'n i di guawlɛ, sanngɛ Nyanmiɛn ɔ wa saci like nnyɔn sɔ mun. Be wunnɛn'n kusu ti-man like bɔ be fa kaci bla kunndɛlɛ nin bian kunndɛlɛ like-ɔ, sanngɛ ɔ ti e Min'n i liɛ, yɛ e Min'n kusu ti be wunnɛn sɔ'n i liɛ.

1 Korɛntfuɛ Mun 6:18

An `wla bla nin bian kunndɛlɛ'n i ase. Sa tɛ kwlaa bɔ sran yo'n, ɔ ti-man bé kplo nun ndɛ, sanngɛ sran ng'ɔ kunndɛ bla annzɛ bian'n, ɔ yo i sɔ sa liɛ'n guɛ i bɔbɔ kplo'n nun.

2 Korɛntfuɛ Mun 12:21

Sa nga ti yɛ srɛ kun min yɛlɛ kɛ n ´ju amun wun lɔ bɔ n ´wun sran kpanngban bɔ be yoli sa tɛtɛ laa bɔ lele ndɛ be nian kaci-man be nzuɛn'n be tɛ yo ninnge tɛtɛ, be tɛ kunndɛ bla nin bian, yɛ be bo wlaka'n, be ti n ´sun. Yɛ min Nyanmiɛn'n man mín nyin ´gua ase ekun amun nyrun.

Efɛzfuɛ Mun 5:12

Afin sa nga sran sɔ'm be fia yo'n, i kanlɛ'n yo nyannzuɛn.

Efɛzfuɛ Mun 5:5

Afin nanwlɛ, sran nga be ti bla nin bian kunndɛfuɛ'n, nin sa tɛtɛ yofuɛ'n, nin be nga bé nyin yi-man like'n, bɔ be ti kɛ amuɛn sɔfuɛ sa'n, be su tran-man be nga Krist nin Nyanmiɛn be ´sie be'n be nun wie.

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

1 Tɛsalonikfuɛ Mun 4:3

Sa ng'ɔ yo Nyanmiɛn fɛ'n yɛlɛ kɛ an `kaci i liɛ mlɔnmlɔn yɛ nán an kunndɛ bla nin bian.

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.

1 Timote 2:10

sanngɛ man be yo sran ye, afin bla nga be sro Nyanmiɛn'n, sɛ be yo sɔ-ɔ ɔ ti kpa.

1 Timote 3:3

Nán man ɔ yo nzan nɔnfuɛ nin utre klofuɛ, sanngɛ man ɔ yo wɛtɛɛfuɛ b'ɔ kunndɛ-man ndɛnngan, nán man ɔ yo sran bɔ i nyin yi-man like.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

2 Timote 3:2

Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

Tite 1:11

Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

Tite 1:7

Man asɔnun sunianfuɛ sɔ'n yo sran bɔ be kwla saci-mɛn i wun kaan sa, afin ɔ nian Nyanmiɛn ninnge'm be su. Nán man ɔ yo sran b'ɔ yo i bɔbɔ i klun sa, yɛ nán man ɔ yo ya fafuɛ, nin nzan nɔnfuɛ, nin utre klofuɛ, nin sran b'ɔ kunndɛ sika i wafa ng'ɔ ti-mɛn i su'n.

Tite 2:3

Kan kle bla kpɛnngbɛn'm be kɛ be kusu be yo sa nga Nyanmiɛn sran yo-ɔ ɔ ti su'n. Nán man be di abla, yɛ nán man be yo nzan nɔnfuɛ. Man be yo sa ng'ɔ ti kpa'n

Hébreu 12:16

An `nian amún wun kpa nan sran fi a kunndɛ-man bla nin bian, yɛ sran fi a bu-man Nyanmiɛn i ninnge'm be kɛ be ti-man like fi kɛ Ezau bɔ aliɛ talie kun ti ɔ yoli i kpɛnngbɛn'n i atɛ'n sa .

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

Sa nglô yile 2:14

Sanngɛ amún wun sa wie o n klun, yɛlɛ kɛ sran wie'm be o amun nun lɔ bɔ be fa like nga Balaam kleli'n su. I yɛ ɔ kleli Balak yɛ man ɔ lakali Izraɛlfuɛ mun yɛ be yoli sa tɛ yɛ be dili amuɛn su nin-ɔn. Balak kunngba sɔ'n yɛ ɔ lakali be yɛ man be fa bé wun wlali tekle bolɛ'n nun nin-ɔn .

Sa nglô yile 2:21

N yacili i lɛ kaan kɛ ɔ kaci i nzuɛn'n, sanngɛ ɔ yaci-mɛn i tekle'n i bolɛ.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.

Sa nglô yile 9:21

Sran sɔ'm b'a yaci-man sran kunlɛ'n, nin bae dilɛ'n, nin bla nin bian kunndɛlɛ'n, nin awie'n.

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.