Efɛzfuɛ Mun 5:2 - NYANMIƐN NDƐ'N 1998

² Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Nyanmien nde Ufle

² Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Efɛzfuɛ Mun 5:2 ပူးပေါင်းရင်းမြစ်များ

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Ezipt Lɔ Tulɛ'n 29:18

Yra nnɛn wunmuan'n min sɔwlɛ'n su. Ɔ ti tɛ kun b'ɔ be yrɛ i nnɛn'n kɔlikɔli'n b'ɔ bɔn fannin min Anannganman min bue nun .

Ezipt Lɔ Tulɛ'n 29:25

I sin fa ninnge sɔ mun bé sa nun, nan yra be min sɔwlɛ su. Yra be nin tɛ nnɛn nga be yrɛ i kɔlikɔli'n. Ɔ ti tɛ kun bɔ be yrɛ i nnɛn'n kɔlikɔli min nyrun, b'ɔ bɔn fannin min Anannganman min bue nun.

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 1:17

Ɔ `tu i ndɛwa mun sanngɛ nán man ɔ kpaci be nun. Yɛ man min nyrun jranfuɛ'n yra anunman'n min sɔwlɛ'n su yie'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.»

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 3:16

Min nyrun jranfuɛ'n kun `yrɛ i min sɔwlɛ'n su lɛ. Ɔ bɔn min bue nun fannin. Min aliɛ-ɔ. Be `yrɛ i be man min. Nnɛn lui'n kwlaa ti min liɛ.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Jean 13:34

M ´man amun mmla kun ekun: an `klo amun wiengu. Klolɛ nga n fa kloli amun'n, amun kusu an `fa klo amun wiengu sɔ.

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 4:25

Nyanmiɛn yili i kɛ ɔ wa wu sa nga e yoli'n ti, yɛ e sran kpa bulɛ ti yɛ ɔ cɛnnin i-ɔ .

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

1 Korɛntfuɛ Mun 16:14

Like kwlaa nga amun ´yo'n, an `bu amun wiengu akunndan.

1 Korɛntfuɛ Mun 5:7

An `gua kpaun ayre laa'n i ase, nan an yo kpaun uflɛ. Afin an ti kɛ kpaun bɔ b'a gua-man nun kpaun ayre'n sa, yɛ b'a kun Krist b'ɔ ti kɛ e Delɛ-cɛn i bua sa'n.

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

2 Korɛntfuɛ Mun 2:15

Afin e ti kɛ parfɛn bɔ Krist fa man Nyanmiɛn'n sa, e ti sɔ be nga be su fite nun'n nin be nga be su mlin'n be nyrun.

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Efɛzfuɛ Mun 3:19

Kannzɛ sran fi kwla wun-man klolɛ bɔ Krist fa klo ye'n i wlɛ kpa'n, n ´srɛ i kɛ an wun i wlɛ nan an fa Nyanmiɛn sa kwlaa nun.

Efɛzfuɛ Mun 4:15

Sanngɛ sɛ e klo sran bɔ e di nanwlɛ'n, e ´nyin, e ´yo sran, yɛ e ´fa Krist sa'n kwlaa nun. I yɛ ɔ ti Asɔnun'n b'ɔ ti i wunnɛn'n i ti nin-ɔn.

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.

Efɛzfuɛ Mun 5:25

Yasua mun, kɛ Krist kloli Asɔnun'n, amun kusu an `klo amun yi mun sɔ.

Mmla'n 27:6

Amun `fa yɛbuɛ bɔ b'a sɛsɛ-mɛn i wun'n yɛ amun `fa kplan Anannganman amun Nyanmiɛn'n i sɔwlɛ sɔ nin-ɔn. Kpɛkuun amun `yi su tɛ nga be yra be nnɛn'n kɔlikɔli'n be man Anannganman amun Nyanmiɛn'n.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

Kolɔsfuɛ Mun 3:14

Yɛ sa ng'ɔ ti cinnjin trɛ i ngba b'ɔ man i kwlaa sɔ'n kwla yo ye'n yɛlɛ kɛ an `klo amun wiengu.

1 Tɛsalonikfuɛ Mun 4:9

Amun niaan klolɛ ndɛ liɛ'n, e bo-man wɛ klɛ-man amun i su fluwa, afin Nyanmiɛn bɔbɔ kleli amun kɛ an klo amun wun.

1 Timote 2:6

Ɔ fɛ i wun mannin kɛ ɔ ´kpɔ sran'm be kwlaa bé ti. Kɛ ɔ yoli sɔ blɛ nga Nyanmiɛn sieli'n su'n, yɛ ɔ kle kɛ Nyanmiɛn klo kɛ ɔ ´de sran'n kwlaa nin-ɔn.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 8:3

Nyanmiɛn nyrun jranfuɛ'm be su kpɛn kwlaa nga be sie be'n, be sie be kɛ be `fa like nga sran'm be waan be ´fa man Nyanmiɛn'n nin nnɛn nga be ´fa sɔ i'n, be fa mɛn i. Ɔ man e liɛ'n kusu, ɔ fata kɛ ɔ nyan like wie fa mɛn i.

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

Hébreu 9:23

I sɔ'n ti'n, sɛ bé yo ninnge nga be ti nyanmiɛn su lɔ liɛ'n nzɔliɛ bé wun saun sɔ'n, ɔ ti su. Sanngɛ nyanmiɛn su lɔ liɛ'n bɔ be ti i kpafuɛ'n, san be ´nyan nnɛn bɔ i kpa tra nga'n, nan b'a yo bé wun saun.

Hébreu 9:26

afin sɛ ɔ ti kɛ ɔ yoli sɔ'n, wuun kɛ ɔ fin mɛn'n i bo bolɛ nun'n, ɔ ´wun nyrɛnnɛn tititi. Sanngɛ siɛn'n bɔ y'a ju mɛn'n i bue nuan'n, ɔ yili i wun nglo kpɛ kunngba nan i wun b'ɔ fa sɔli Nyanmiɛn'n ti'n, sa tɛ'n `wie.

1 Piɛr 4:8

Sa ng'ɔ ti dan trɛ i ngba'n yɛlɛ kɛ an `klo amún wun, afin sran ng'ɔ klo sran'n, ɔ yaci sa tɛ kpanngban nga be yo i cɛ .

1 Jean 3:16

An `nian, sa nga b'ɔ man e si like nga be flɛ i sran klolɛ'n yɛlɛ kɛ e ti Krist fɛ i wun mannin. E kusu e niaan'm be ti man e fa é wun man.

1 Jean 3:23

An `nian mmla nga ɔ fa man ye'n yɛ: i waan e `lafi i Wa Jésus-Krist su, yɛ e klo e wun kɛ Krist kan kleli ye kɛ e klo e wun'n sa .

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .