Efɛzfuɛ Mun 4:9 - NYANMIƐN NDƐ'N 1998

⁹ ?Kɛ be se kɛ: «Ɔ fuli nglo lɔ'n,» i bo ti sɛ? I bo kle kɛ ɔ dun mmua ɔli asiɛ'n i bo mmua-mmua kpa lɔ.

Nyanmien nde Ufle

⁹ ?Ke bé sé ke: «o fuu nglô lo'n,» i bô ti se? I bô klé ke o dun mmua oo asie'n i bô mmuamua kpa lo.

Efɛzfuɛ Mun 4:9 ပူးပေါင်းရင်းမြစ်များ

Bo Bolɛ 11:5

Anannganman fin nglo lɔ jra niannin klɔ nin sua sɔ'n bɔ sran'm be su kplan'n.

Jue Mun 139:15

Blɛ bɔ a yili min nvialiɛ nun, bɔ a wuli min kɛ tannin sa, mín nin ku sɛ'n nun, min wunnɛn'n i lika fi ti-man fiawa ɔ nyrun.

Jue Mun 63:9

Ɔ su yɛ n fa min wla'n kwlaa n gua-a, ɔ sa fama'n yɛ ɔ suan min bo-ɔ.

Jue Mun 8:5

n usa min wun kɛ: ?Wan yɛlɛ sran bɔ man ɔ wla ko kpɛn i su-ɔ? ?Wan yɛlɛ klɔ sran bɔ man i ndɛ ko lo wɔ sɔ-ɔ?

Ezipt Lɔ Tulɛ'n 19:20

Anannganman jrali Sinai oka'n i ti su nglo lɔ, ɔ flɛli Moiz, nan Moiz ɔ'a fu oka'n su lɔ.

Nyanndra Mun 30:4

?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezekiɛl 31:14

Kɛ ɔ'a yo sɔ'n, i liɛ'n, waka nga be o nzue nuan'm be wie fi su nyin-man tɛnndɛn sa kun, yɛ i ti'n su tra-man waka kun nga'n mun. Sɛni waka bɔ be nyan nzue'n wie'n, be su kwla nyin-man ndɛnndɛn. Afin i sran o, i waka o, be kwlaa be ´wu, be ´kɔ asiɛ'n i bo lɔ be ´to be nga be la i bo lɔ'm be lɔ.› »

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

Jean 20:17

Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 6:33

Afin Nyanmiɛn i kpaun'n yɛlɛ m bɔ n fin nyanmiɛn su lɔ bɔ n yo man mɛnfuɛ'm be nyan nguan'n.»

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Jean 6:41

Kɛ ɔ se be kɛ ɔ ti kpaun b'ɔ fin nyanmiɛn su lɔ jrali'n ti Zuif'm be kɛnnin i wun ndɛ.

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Jean 6:58

Kpaun ng'ɔ fin nyanmiɛn su lɔ'n yɛ, ɔ ti-man kɛ nga amun nannan'm be dili bɔ be wuli'n sa. Sran ng'ɔ di kpaun sɔ'n, ɔ su wu-man mlɔnmlɔn.»

Jean 6:62

?Sɛ an wun kɛ m bɔ n kacili Sran'n n su fu kan n wo lɔ laa'n, amun ´yo amun wun sɛ?

Jean 8:14

Jésus seli be kɛ: «Ɔ ti nanwlɛ kɛ n kan m bɔbɔ min wun ndɛ, kannzɛ n kɛn i sɔ'n, ɔ ti nanwlɛ, afin n si n finwlɛ nin n kɔwlɛ. Sanngɛ an si-man n finwlɛ nin n kɔwlɛ.

Hébreu 2:7

A yoli man anz'm be kpa'n trɛli i le nnyɔn kun, a sieli i famiɛn man ɔ nyannin nyrun, be mɛnmɛn i,

Hébreu 2:9

Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.